महामुंबईत इमारती की 'डेथ ट्रॅप'? ८२७ इमारती अतिधोकादायक, तर १८,००० हून अधिक इमारती धोकादायक!

महामुंबई: रहिवाशांचा जीव टांगणीला; म्हाडा आणि ९ महापालिकांकडून १८ हजारहून अधिक धोकादायक इमारतींची यादी जाहीर मुंबई: पावसाळा तोंडावर आलेला असताना महामुंबई क्षेत्रातील जुन्या आणि जर्जर इमारतींचा प्रश्न पुन्हा एकदा गंभीर झाला आहे. म्हाडा आणि मुंबई महानगर प्रदेशातील (MMR) एकूण ९ महानगरपालिकांनी धोकादायक इमारतींची यादी जाहीर केली असून, यामध्ये धक्कादायक आकडेवारी समोर आली आहे.nसंपूर्ण महामुंबईत तब्बल ८२७ इमारती 'अतिधोकादायक' श्रेणीत आहेत, तर १८,०७२ इमारती 'धोकादायक' म्हणून घोषित करण्यात आल्या आहेत. प्रशासनाची केवळ 'नोटीस'बाजी?महानगरपालिका आणि म्हाडा प्रशासनाने या इमारतींना नोटिसा बजावून आपले हात झटकले असल्याचा आरोप रहिवाशांकडून होत आहे.

विशेषतः मुंबई शहरात १७४ इमारती 'C1' (अतिधोकादायक) श्रेणीत आहेत, ज्यापैकी केवळ ७२ इमारती आतापर्यंत रिकाम्या करण्यात आल्या आहेत.
उर्वरित इमारतींमध्ये रहिवासी आजही आपला जीव मुठीत धरून राहत आहेत. या ९ महानगरपालिकांनी जाहीर केली यादी: महामुंबईचा भाग असलेल्या खालील ९ महानगरपालिका क्षेत्रांत ही सर्वेक्षणे करण्यात आली आहेत: मुंबई महानगरपालिका (BMC)ठाणे महानगरपालिका (TMC)कल्याण-डोंबिवली महानगरपालिका (KDMC)नवी मुंबई महानगरपालिका (NMMC)उल्हासनगर महानगरपालिकाभिवंडी-निजामपूर महानगरपालिकावसई-विरार महानगरपालिकामिरा-भाईंदर महानगरपालिकापनवेल

महानगरपालिकापावसाळ्यात वाढता धोका:पावसाळा सुरू होताच या जुन्या आणि मोडकळीस आलेल्या इमारतींमधून पाणी गळणे आणि भिंतींना तडे जाण्याचे प्रकार वाढतात, ज्यामुळे कोसळण्याच्या दुर्घटना घडण्याची दाट शक्यता असते. ठाणे जिल्हा प्रशासनाने नुकतीच बैठक घेऊन या इमारतींचे तातडीने स्ट्रक्चरल
ऑडिट (संरचनात्मक परिक्षण) करण्याचे निर्देश दिले आहेत. मात्र, पुनर्वसनाचा ठोस प्लॅन नसल्याने अनेक रहिवासी घर सोडण्यास तयार नसल्याचे चित्र आहे.