Pune : पुणे महापालिका निवडणूक: पुणेकरांनो लक्ष द्या! चार प्रभागांसाठी मतदान कसे करायचे? सोप्या शब्दात माहिती

Pune : राज्यात महापालिका निवडणुकीची मतदानप्रक्रिया पार पडत आहे. पुणे आणि पिंपरी चिंचवड महापालिकेच्या निकालाकडे सर्वांचं लक्ष लागलेलं असणार आहे. सत्तेत असलेले राष्ट्रवादी आणि भाजप या दोन पक्षांमध्ये काँटे की टक्कर पाहायला मिळाली. पुण्यात ४,०११ एकूण मतदान केंद्रे आहेत, तर यामधील ९०६ ही संवेदनशील मतदान केंद्रे आहेत. पुणेकर मतदानासाठी सज्ज आहेत. मात्र चार प्रवर्गाच्या प्रभागात मतदान नेमके कसे करावे, याबद्दल मतदार अजूनही संभ्रमात आहेत. मतदारांनी नेमके कसे मतदान करावे, याबाबतची ही माहिती...

मतदान केंद्रावर दोन पोलिस कर्मचारी असतील, संवेदनशील केंद्रांवर अधिक बंदोबस्त असेल. सर्व राष्ट्रीय आणि अधिकृत पक्षांच्या उमेदवारांचा एक कार्यकर्ता केंद्रात असेल; परंतु त्याला मतदारांशी बोलण्यापासून मज्जाव करण्यात आला आहे.

 

Pune : पुण्यात दोन सख्ख्या बहिणींचा दुर्दैवी मृत्यू; मकर संक्रांतीला शिंदे कुटुंबावर दुःखाचा डोंगर

अधिकारी १ - मतदान केंद्राचा प्रमुख, हा अधिकारी तुमचे नाव यादीत शोधेल, तुमच्या ओळखपत्राद्वारे तुमची ओळख पटवून घेतल्यानंतरच तो तुम्हाला आत सोडेल.

अधिकारी २- तुमच्या डाव्या हाताच्या अनामिकेवर शाई लावेल.

अधिकारी ३- तुमच्या हातात एक चिट्ठी देईल. यात तुमचा मतदारयादीतील क्रमांक लिहिण्यात आलेला असेल. तुम्हाला ती चिड्डी मतदान अधिकारी-४ ला द्यायची आहे.

अधिकारी ४- तुमच्या हातून चिठ्ठी घेईल. त्यानंतर नियंत्रण युनिटवरील बटण दाबेल, त्यानंतर तुम्हाला मतदान करता येईल.

प्रत्येक ठिकाणी मतदान केल्यांतर मतदान केलेल्या बटणासमोर तुम्हाला प्रकाश दिसेल. तुमचे मतदान झाले आहे, असा याचा अर्थ आहे. चारही ठिकाणी मतदान केल्यावर 'बीप" असा आवाज येईल.

एका प्रभागातून चार उमेदवारांना मत द्यायचे आहे. चार मते दिल्याशिवाय, मतदानाची प्रक्रिया पूर्ण होणार नाही.

शहरातील ४० प्रभागांमध्ये चार प्रवर्ग आहेत. त्यामुळे प्रत्येक ठिकाणी मतदान अनिवार्य आहे. शहरातील केवळ एकाच प्रभागात पाच प्रवर्ग आहेत. त्यामुळे तेथे पाचही प्रवर्गात मतदान केल्याशिवाय तुमचे मत ग्राह्य ठरणार नाही.

सर्व प्रवर्गातील मतदान झाल्यानंतरच बीपचा आवाज येणार आहे. म्हणजे तुमचे मत नोंदविले जाणार आहे. तसे झाले नाही तर मतदान अधिकारी तुम्हाला मदत करतील.

एखादा मतदार सगळी मते न देता केंद्रातून बाहेर पडल्यास मतदान अधिकाऱ्याला उर्वरित ठिकाणी नोटाचे बटण दाबावे लागेल. एका मतदाराचे मतदान पूर्ण झाल्याशिवाय दुसऱ्या मतदाराचे मतदान सुरू होणार नाही.

'नोटा'चा पर्याय

चारही जागांसाठी नोटाचा पर्याय उपलब्ध आहे. प्रत्येक प्रवर्गात शेवटचे बटण हे 'नोटा'चे असेल. तुम्ही प्रत्ये - जागेकरिता नोटाचे बटण दाबू शकता अन्यथा तुम्हाला हव्या त्या प्रवर्गात हे बटण दाबू शकता.

अ जागेसाठी पांढरा

ब जागेसाठी: फिकट गुलाबी

क जागेसाठी: फिकट पिवळा

ड जागेसाठी: फिकट निळा

पाच सदस्यीय ३८ क्रमांकाच्या प्रभागासाठी

ई जागेसाठी: फिकट हिरवा