Pune : पुणे - महाबळेश्वर एसी बस सेवा सरू, कुठे-कशा असणार फेऱ्या? प्रवाशांना सुरक्षित, आरामदायी प्रवास

Pune : पुणे एसटी विभागाने प्रवाशांच्या मागणीनुसार, स्वारगेट बस स्थानकातून पुणे ते महाबळेश्वर अशी वातानुकूलित ई-शिवाई बस सेवा सुरू करण्यात आली आहे. यामुळे सुरक्षित, आरामदायी आणि पर्यावरणपूरक प्रवासाचा नवा पर्याय उपलब्ध झाला आहे.

बसच्या एकूण चार फेऱ्या नियोजित केल्या आहेत. स्वारगेट येथून सकाळी 5.30, 6.30, दुपारी तीन आणि चार वाजता बस सुटेल. तर महाबळेश्वर येथून सकाळी नऊ, दहा, सायंकाळी साडेसहा आणि रात्री साडेसात अशा फेऱ्या असतील. सर्व फेऱ्यांसाठी आगाऊ आरक्षणाची सुविधा उपलब्ध आहे.

Mumbai : मुंबईत धक्कादायक प्रकार; एकाच नंबरच्या दोन स्कूल बसमधून विद्यार्थ्यांची वाहतूक, वाहतूक पोलिसांची मोठी कारवाई

पुणे-अहिल्यानगर मार्गावरून प्रवास करणाऱ्यांच्या सोयीसाठी पुणे एसटी विभागाने रामवाडी मेट्रो स्थानक येथे एसटीला थांबा देण्याचा निर्णय घेतला आहे. त्यानुसार सर्व एसटी बस रामवाडी मेट्रो स्थानकाजवळ थांबवण्यास सुरुवात झाली आहे. त्यामुळे प्रवाशांना रामवाडी येथे उतल्यानंतर मेट्रोतून इच्छितस्थळी जाणे शक्य होणार आहे.

शिवाजीनगर एसटी स्थानक येथून अहिल्यानगर मार्गावर सर्वाधिक बस धावतात. या बस अहिल्यानगर, छत्रपती संभाजीनगर, शिर्डीसह मराठवाडा आणि विदर्भातील विविध शहरांसाठी बस जातात. सध्या या बसला अहिल्यानगर मार्गावर गुंजन चौकाच्या पुढे, खराडी बायपासच्या पुढे, वाघोली असे थांबे दिलेले आहेत. या ठिकाणी एसटीचा एक कर्मचारी नेमलेले असतो; तसंच छत्रपती संभाजीनगरसाठी धावणाऱ्या विना थांबा बसचं तिकीट काढण्यासाठी एक वाहकदेखील असतो. आता रामवाडी येथे थांबा दिल्याने प्रवाशांना मोठा फायदा होणार आहे.