Pune : कोर्टात फरार म्हणून घोषित! निलेश घेगावळवर आता सर्वात कठोर कारवाईची शक्यता वाढली

Pune :  कुख्यात गुंड निलेश घायवळ याला धक्का देणारी मोठी बातमी समोर आली आहे. त्याच्यावर आतापर्यंतची सर्वात कठोर कारवाई होण्याची शक्यता आहे. कारण पुणे न्यायालयाकडून गुंड निलेश घायवळ याला फरार घोषित करण्यात आलं आहे. तसेच निलेश घायवळ याला न्यायालयासमोर हजर राहण्याचा आदेश देण्यात आला आहे. पण तो कोथरुड येथील गोळीबार प्रकरणानंतर विदेशात पळून गेल्याची माहिती आहे. पोलिसांकडून त्याचा शोध सुरु आहे. पोलिसांनी या प्रकरणात त्याच्या साथीदाराच्या घरातून तब्बल 400 काडतुसे शोधून काढले होते. यामध्ये 200 जिवंत तर 200 काडतुसे वापरल्याची माहिती समोर आली होती. पोलिसांच्या हाती त्यांच्या पुंगळ्या लागल्याची माहिती होती. त्यानंतरही पोलिसांचा सखोल तपास सुरु होता. घायवळ याच्याबाबत तपासातून नवनवीत माहिती समोर येत आहे. त्यामुळे त्याचा पाय आणखी खोलात जाताना दिसत आहे. त्यामुळे आता त्याच्याविरोधात मोठी कारवाई होण्याची शक्यता आहे.

निलेश घायवळ याला न्यायालयाकडून घोषित करण्यात आल्यानंतर आता त्याच्या विरोधात मोठी कारवाई होणार आहे. निलेश घायवळ याची संपूर्ण मालमत्ता जप्त होण्याची शक्यता आहे. दुसऱ्या व्यक्तीचं नाव वापरून सिमकार्ड खरेदी करून त्याचा वापर केल्याप्रकरणी घायवळवर गुन्हा दाखल होता. या याप्रकरणी पुण्यातील कोथरूड पोलीस ठाण्यात त्याच्यावर गुन्हा दाखल आहे. या गुन्ह्यामध्ये आज पुणे पोलिसांकडून न्यायालयात दोषारोपपत्र सादर करण्यात आलं आहे.

PMC Abhay Yojna : अभय योजनेचा वेग मंदावला; आतापर्यंत फक्त १५७ कोटींचीच वसुली

कोथरूडमध्ये किरकोळ वादातून तरुणावर गोळीबार केल्याप्रकरणी परदेशात पळून गेलेला कुख्यात आरोपी निलेश घायवळला पुणे प्रथमवर्ग न्यायदंडाधिकारी न्यायालयाने फरार घोषित केले आहे. इंटरपोलमार्फत 'ब्लू कॉर्नर' नोटीस काढल्यानंतरही घायवळ सापडला नसल्याने त्याच्या प्रत्यार्पणासाठी थेट 'रेड कॉर्नर' नोटीस काढण्याची प्रक्रिया पुणे पोलिसांनी सुरू केली आहे.

या प्रकरणात टोळीप्रमुख निलेश बन्सीलाल गायवळसह (वय ४९, रा. शास्त्रीनगर, कोथरूड) एकूण नऊ जणांविरोधात महाराष्ट्र संघटित गुन्हेगारी नियंत्रण कायदा (मकोका) आणि भारतीय न्याय संहितेच्या कलमांनुसार गुन्हा दाखल करण्यात आला आहे. पोलीस घायवळचा शोध घेत असताना, तो नव्वद दिवसांच्या व्हिसावर परदेशात पसार झाल्याचे आढळून आले. त्यामुळे पुणे पोलिसांनी 'इंटरपोल'मार्फत घायवळविरोधात 'ब्लू कॉर्नर' नोटीस बजावली; तसेच घायवळचा पासपोर्ट रद्द करण्यासाठी न्यायालयात अर्ज केला.

दरम्यान, ब्रिटन उच्चायुक्तालयासमवेत झालेल्या पत्रव्यवहारात घायवळ पर्यटन व्हिसावर लंडनमध्ये असल्याची माहिती पुणे पोलिसांना मिळाली. त्यामुळे घायवळला फरार घोषित करण्यासाठी पोलिसांनी न्यायालयात अर्ज केला. तो मंजूर झाल्याने आता घायवळविरोधात 'रेड कॉर्नर' नोटीस काढून त्याच्या प्रत्यार्पणाच्या प्रक्रियेला गती मिळणार आहे. 'निलेश घायवळला न्यायालयाने फरार घोषित केल्याने त्याची मालमत्ता जप्त करणे शक्य होणार आहे,' असे परिमंडल तीनचे उपायुक्त संभाजी कदम यांनी सांगितले.