Pune : पुणे ‘पोर्शे’ अपघात प्रकरणात मोठी कारवाई; डीजी रश्मी शुक्लांचा धडाकेबाज निर्णय, PI कायमचा बडतर्फ तर दोघांना 5 वर्षांची सक्त शिक्षा — संपूर्ण माहिती जाणून घ्या

Pune : राज्यातील बहुचर्चित 'पोर्शे अपघात प्रकरणात पोलिसांकडून झालेल्या गंभीर चुकांकडे लक्ष वेधून, महाराष्ट्राच्या पोलिस महासंचालक रश्मी शुक्ला यांनी चार पोलिस अधिकाऱ्यांवर कठोर शिस्तभंगाची कारवाई केली आहे. यामध्ये दोन अधिकाऱ्यांना शासकीय सेवेतून बडतर्फ करण्यात आले असून, दोन शिपायांना आर्थिक दंड ठोठावला आहे.

महासंचालक कार्यालयाने 'कारणे दाखवा नोटीस आणि चौकशी अहवालांचे परीक्षण करून हा निर्णय दिला. संबंधित सर्व अधिकाऱ्यांनी शिक्षेविरोधात पोलिस महासंचालक कार्यालयात अपील केले होते; मात्र ते नामंजूर करण्यात आले. पोलिस निरीक्षक राहुल जगदाळे आणि सहायक निरीक्षक विश्वनाथ तोडकरी यांना शासकीय सेवेतून बडतर्फ करण्याचा आदेश कायम ठेवण्यात आला आहे. तसेच, शिपाई आनंदा भोसले आणि अमित शिंदे या दोघांना पाच वर्षे मूळ वेतनावर ठेवण्याची शिक्षा सुनावण्यात आली आहे.

Pune : पुणेकरांसाठी मोठी दिलासादायक बातमी! विमानतळ रस्त्यावरील कोंडी संपवण्यासाठी सरकारचा दमदार प्लान तयार

कल्याणीनगर 'पोर्शे कार' अपघात प्रकरणाच्या तपासादरम्यान निष्काळजीपणा, प्रक्रियेत झालेल्या त्रुटी, दिशाभूल करणारी किंवा चुकीची कागदपत्रे तयार करणे, अशा गंभीर आरोपांमुळे या अधिकाऱ्यांवर तपासाच्या कारवाई करण्यात आली. पोलिस कार्यपद्धतीवर सुरुवातीपासूनच प्रश्नचिन्ह कायम होते. महासंचालक कार्यालयाने स्पष्ट केले आहे, की संबंधित अधिकारी या निर्णयाविरोधात आदेश मिळाल्यानंतर ६० दिवसांच्या आत गृह विभागाकडे अपील करू

दरम्यान, या अपघातामध्ये प्रसिद्ध बांधकाम व्यावसायिक विशाल अगरवाल यांच्या अल्पवयीन मुलाने तरूण-तरूणींना उडवल्याचं समोर आलं होतं. या अपघाताचे सीसीटीव्ही समोर आले, त्यानंतर आरोपी मुलाला निबंध लिहिण्याची शिक्षा दिल्याने प्रकरणाची देशभरात चर्चा पाहायला मिळाली होती. सोशल मीडियावर नेटकऱ्यांना हा मुद्दा लावून धरला त्यानंतर माध्यमांनी प्रकरण आणखी प्रखरपणे उजेडात आणल्याने सर्व प्रकरण उघडकीस आलं होतं.