Mumbai : मध्य रेल्वेवर भीषण दुर्घटना; आंदोलनामुळे वाढलेल्या गर्दीत फास्ट लोकलची धडक, तिघांचा मृत्यू

Mumbai : एकीकडे सीएमएमटी रेल्वे स्टेशनवर कर्मचाऱ्यांचं आंदोलन सुरु असताना रेल्वे अपघाताची घटना घडली आहे. मध्य रेल्वेच्या सँडहर्स्ट आणि भायखळादरम्यान अपघात झाला. फास्ट लोकलने ४ प्रवाशांना उडवलं. या घटनेत ३ प्रवाशांचा मृत्यू झाला आहे.

मुंबईतील सीएसएमटी (CSMT) स्थानकावर रेल्वे कर्मचाऱ्यांच्या आंदोलनामुळं मध्य रेल्वेवरील वाहतूक सेवा विस्कळीत झाली आहे. या आंदोलनाचा फटका रेल्वे प्रवाशांना बसला आहे. अर्धा ते एक तास लोकल उशिरानं धावत आहेत. लोकल खोळंब्यामुळं मध्य रेल्वेवरील महत्वाच्या स्थानकांवर प्रवाशांची गर्दी झाली आहे.

Pune : यशवंत साखर कारखान्याच्या जमिनी विक्रीत मोठा गैरव्यवहार? कारवाईची आणि गुन्हा दाखल करण्याची मागणी

लोकल उशिरानं धावत असल्यानं कल्याण, ठाणे स्थानकात प्रवाशांची तुफान गर्दी झाली आहे. सीएसएमटी स्थानकातील आंदोलनाचा फटका ठाण्यातील प्रवाशांनाही बसला आहे. ठाण्याहून कल्याणच्या दिशेने जाणाऱ्या प्रवाशांचा खोळंबा झाला आहे. कल्याण आणि ठाणे रेल्वे स्थानकातील फलाटांवर प्रचंड गर्दी झाली आहे.

रेल्वे आंदोलनामुळे मध्य रेल्वे आणि हार्बर रेल्वेच्या प्रत्येक स्टेशनवर मोठी गर्दी झाली आहे. रेल्वे वाहतूक देखील ठप्प झाली आहे. यानंतर सँडहर्स्ट रोड स्टेशनवरून काही प्रवासी रुळावरून चालत होते. त्याचवेळी लोकलने धडक दिल्याने तीन प्रवाशांचा मृत्यू झाल्याची माहिती हाती आली आहे.

अंबरनाथ फास्ट लोकलने रेल्वे रुळावरून चालणाऱ्या प्रवाशांना उडवलं. लोकलने एकूण ४ प्रवाशांना उडवलं. त्यातील ३ जणांचा मृत्यू झाल्याची माहिती हाती आली आहे. त्यांचे मृतदेह जेजे रुग्णालयात शवविच्छेदनासाठी पाठवण्यात आले आहेत.