Pune : श्री उमांगमलज जन्मोत्सवात श्रीमंत दगडूशेठ हलवाई गणपतीला ११०० श्रीफळांचा महानैवेद्य

Pune : श्रीमंत दगडूशेठ हलवाई सार्वजनिक गणपती ट्रस्टच्या वतीने शनिवारी श्री उमंगमलज जन्मोत्सव सोहळ्यात गणरायाला ११०० श्रीफळांचा भव्य नैवेद्य अर्पण करण्यात आला. गाणपत्य संप्रदायात कार्तिक शुद्ध चतुर्थी म्हणजेच श्री उमंगमलज जन्मोत्सवात मोरयाला श्रीफळ समर्पित करण्याला विशेष महत्त्व आहे.

ट्रस्टने सांगितले की, अंतःकरणातील अहंकार आणि ममत्व दूर झाल्यावर जे परमात्म दर्शन घडते, त्यालाच उमंगमलज असे म्हणतात. श्रीफळांची आरास व धार्मिक विधी मंदिरामध्ये पार पडली. पहाटे तीन वाजता ब्रह्मणस्पती सूक्त, चार वाजता गायिका शेफाली कुलकर्णी-साकुरीकर यांच्या गायनानंतर सकाळी आठ वाजता गणेश याग संपन्न झाला.

Pune : जैन बोर्डिंग जमीन वाद : केंद्रीय मंत्री मोहोळ अडचणीत? प्रकरण आता पंतप्रधानांच्या कोर्टात!

ट्रस्टचे अध्यक्ष सुनील रासने सांगितले, “देवी पार्वतीने अंगावरच्या मळापासून एक पुतळा बनवला, त्याला जिवंत केले. त्यानंतर त्याचे आणि भगवान शंकरांचे युद्ध झाले. भगवान शंकरांनी त्या बालकाचे मस्तक उडविले. देवी पार्वतीच्या संतापाला शांत करण्यासाठी त्या बालकाच्या धडावर भगवान श्री विष्णूंनी गज मस्तक बसविले. त्यांचे नाव श्री गजानन ठेवण्यात आले. ही गणेश जन्माची कथा या अवताराशी संबंधित आहे, ज्याला उमंगमलज म्हणतात.”

सुनील रास यांनी पुढे सांगितले, “आपली बुद्धी हीच पार्वती देवी आहे. तिच्यावर चढलेला अहंकार आणि ममत्व दूर झाले की मोरयांची प्राप्ती होते; त्यांना उमंगमलज असे म्हणतात.”