MHADA Lottery : कल्याण-ठाण्यात हक्काच्या घराचं स्वप्न पूर्ण होणार, जुलैमध्ये ४००० घरांची लॉटरी निघणार, वाचा सविस्तर

MHADA Lottery : मुंबईत घर घेणे हे सर्वसामान्यांच्या बजेटबाहेर आहे. त्यामुळे म्हाडा दरवर्षी लॉटरी काढत असते. म्हाडा म्हणजे महाराष्ट्र गृहनिर्माण आणि क्षेत्र प्राधिकरण लॉटरी जारी करत असते. म्हाडाने ठाणे,कल्याण, डोबिंवलीस विरारसह मुंबई महानगर (MMR) प्रदेशात लॉटरी काढण्याच्या तयारीत आहे. म्हाडा जवळपास ४००० घरांची लॉटरी काढू शकते.

पुढच्या महिन्यात निघणार लॉटरी

एफपीजे जर्नलच्या रिपोर्टनुसार, म्हाडाच्या कोकण मंडळाद्वारे ही लॉटरी जाहीर केली जाणार आहे. जुलै महिन्यात ही लॉटरी जाहीर होण्याची शक्यता आहे. त्यामुळे मुंबईकरांचे स्वतः चे घर घेण्याचे स्वप्न लवकरच पूर्ण होईल. मुंबईतील अनेक ठिकाणी ही घरे आहेत. त्यासाठी लॉटरी काढली जाणार आहे.

म्हाडाच्या लॉटरीत ठाणे, कल्याण आणि कोकण विभागात सर्वाधिक घरे असणार आहे. मुंबईबाहेरील भागात घरे घेण्याची मागणी वाढत आहेत. मुंबईतील अल्पउत्पन्न आणि मध्यम उत्तम उत्पन्न असणाऱ्या नागरिकांना घरे खरे खरेदी करण्यासाठी प्रोत्साहन देण्याचा हा प्रयत्न आहे.

मिडिया रिपोर्टनुसार, ही लॉटरी म्हाडाच्या व्यापक धोरणाचा भाग आहे. पुढील दोन वर्षात राज्यभरात ३२००० नवीन घरे बांधण्याची योजना जाहीर केली आहे. ज्यामध्ये मुंबईत ७००० घरे बांधण्यात येणार असल्याचे सांगितले जात आहे.

कोणत्या ठिकाणी किती घरांसाठी लॉटरी?

२०२५-२६ मध्ये म्हाडाने संपूर्ण महाराष्ट्रात १९,७९४ घरे बांधण्याचे लक्ष्य ठेवले आहे. त्यात मुंबईत ५,१९९ घरांचा समावेश आहे.यामुळे हजारो नागरिकांना दिलासा मिळणार आहे. अर्थसंकल्पात प्रदेशनिहाय काही उद्दिष्टे निश्चित केली आहेत. त्यात कोकण प्रदेशासाठी ९,९०२ घरे निश्चित केली आहे. पुण्यात १,८३६ घरे, छत्रपती संभाजी नगरमध्ये १६०८, नागपूरमध्ये ६९२, अमरावतीत १६९ तर नाशिकमध्ये ९१ घरे निश्चित करण्यात आली आहेत.