Raigad Accident : रायगडमध्ये २ एसटी बसची समोरासमोर धडक, चालकांसह १५ ते २० प्रवासी जखमी

Raigad Accident : रायगडमध्ये एसटी बसला भीषण अपघात झाल्याची घटना समोर आली आहे. दोन एसटी बसची समोरासमोर धडक होऊन भीषण अपघात झाला. या अपघातामध्ये दोन्ही एसटी बसचे चालक गंभीर जखमी झाले असून एसटी बसमधील अनेक प्रवासी जखमी झाले आहेत. जखमी प्रवाशांवर रुग्णालयात उपचार सुरू आहेत. रायगड पोलिसांकडून अपघाताचा तपास सुरू आहे.

मिळालेल्या माहितीनुसार, अलिबाग ते रेवदंडा मार्गावर दोन एसटी बसला अपघात झाला. नवेदर बेली येथील वळणावर दोन्ही बसची समोरासमोर धडक झाली. हा अपघात इतका भीषण होता की यामध्ये दोन्ही एसटी बसचे चालक गंभीर जखमी झाले आहेत. तर एसटी बसमधील १५ ते २० प्रवासी किरकोळ जखमी झाले आहेत.

Akola News : अकोल्यातील जवान जम्मू-काश्मीरमध्ये दहशतवाद्यांशी लढताना शहीद; वर्षभरापूर्वीच झालं होतं लग्न

अपघाताची माहिती मिळताच रायगड पोलिसांनी घटनास्थळी धाव घेतली.स्थानिक नागरिकांच्या मदतीने पोलिसांनी जखमी प्रवाशांना बसमधून बाहेर काढले आणि उपचारासाठी जिल्हा रुग्णालयात दाखल केले. दोन्ही बसच्या चालकांची प्रकृती गंभीर आहे. तर इतर प्रवाशांना जास दुखापत झाली नाही पण त्यांच्यावर उपचार सुरू आहेत. या अपघातामध्ये दोन्ही बसचे मोठे नुकसान झाले आहे. अपघातामुळे महामार्गावर वाहतूक विस्कळीत झाली होती. रायगड पोलिस या अपघाताचा तपास करत आहेत.