Khadakwasla Dam : दिलासायदायक! पुण्यातील धरणसाखळीत पावसाची संततधार; पाणीसाठा वाढला, ताजी आकडेवारी आली समोर

पुणेकरांची पाणीचिंता मिटणार?

चारही धरणातील २५ जूनच्या पाणीसाठ्याने चिंता वाढवली होती. या चारही धरणात पाणीसाठ्यात घट झाल्याने पुणेकरांना पाणीचिंता सतावत होती. या पाणीसाठ्यामुळे पुणेकरांवर पाणीकपातीची टांगती होती. मात्र, गेल्या काही दिवसांपासून चारही धरण क्षेत्रात पावसाची संततधार सुरु आहे. त्यात पाणीसाठ्यातही वाढ होत आहे. यामुळे पुणेकरांची पाणीचिंता लवकरच मिटण्याची शक्यता वर्तवण्यात येत आहे.

भंडारदरा परिसरात पावसाचा जोर

अहमनगरमधील भंडारदरा धरणाच्या पाणलोट क्षेत्रातही पावसाचा जोरवाढला आहे. सततच्या पावसामुळे अकराशे टीएमसी क्षमता असलेल्या भंडारदरा धरणाचा पाणीसाठा २४ टक्क्यापर्यंत पोहोचला आहे. गेल्या २४ तासात अर्धा टीएमसी पाण्याची विक्रमी आवक वाढली आहे. ५२१ दशलक्ष घनफूट पाणी धरणात नव्याने दाखल झाले आहे. यामुळे धरण परिसरातील भात लागवडीला वेग आला आहे.