Mumbai News : मुंबई हादरली! कारमध्ये २४ वर्षीय तरुणीवर लैंगिक अत्याचार; ५० वर्षीय आरोपीला अटक

जोसेफ झेवियर (वय ५०) असं अटक करण्यात आलेल्या आरोपीचं नाव आहे. पोलिसांनी दिलेल्या माहितीनुसार, पीडित तरुणी दिघा गावातील रहिवासी आहे. मागील काही दिवसांपासून ती नोकरीच्या शोधात होती. तुला नोकरी मिळवून देतो असं आश्वासन पीडितेला तिच्या मित्राने दिलं होतं.

गुरुवारी (ता. १६) पीडित तरुणीच्या मित्राने तिला खार येथे बोलावून घेतलं. तिथे पीडितेची ओळख आरोपी जोसेफ याच्यासोबत करून दिली. जोसेफने मद्यपान केलं होतं. रात्री १० वाजता आरोपी जोसेफने पीडित तरुणीला घरी सोडवून देण्याच्या बहाण्याने कारमध्ये बसवलं.