Pune Accident News : पुण्यात भीषण अपघात! भरधाव कंटेनर उलटला, दोघांचा जागीच मृत्यू

Pune Accident News : सोलापुर पुणे हायवेवर भीषण अपघात झाला आहे. या अपघातामध्ये ड्रायव्हर आणि क्लिनरचा मृत्यू झाला आहे. ब्रेक दाबल्याने ओव्हरलोड कंटेनर उलटला आणि भीषण अपघात झाला. पुण्यातील शेळकेवाडी येथे ही घटना घडली आहे. या अपघातात दोन जणांची जीव गेला आहे. १७ मे रोजी पहाटे एक ते दीडच्या सुमारास हा अपघात झाल्याची माहिती मिळत आहे.

या अपघातामध्ये कंटेनर रस्त्यावर उलटला होता. त्यामुळे सोलापूरपुणे हायवेवर वाहतुक कोंडी झाली होती. त्यामुळे तात्काळ हडपसर पोलीस घटनास्थळी दाखल झाले होते. त्यांनी काही कालावधीमध्ये वाहतूक सुरळीत केली आहे. सध्या सोलापूर पुणे हायवेवर सुरू असल्याची माहिती मिळत  आहे. या हायवेवर अपघातांचं प्रमाण वाढलं आहे. रात्रीच्या वेळी या हायवेवर अपघात मोठ्या प्रमाणात होत असल्याचं दिसत आहे. शेवाळेवाडी येथील घटना समोर आली आहे. ब्रेक दाबल्यामुळे ओव्हरलोड कंटेनरचा अपघात झालाय.

पालघरमध्ये देखील असाच एक भीषण अपघातझाल्याचं समोर आलं  आहे. मुंबई अहमदाबाद राष्ट्रीय महामार्गावर गुजरातहून मुंबईकडे जाणाऱ्या वाहिनीवर मेंढवन खिंड येथे कंटेनर पलटी झाला. त्यामुळे महामार्गावर दुतर्फा वाहनांच्या रांगा लागल्या होत्या. या भीषण अपघातामध्ये कंटेनर चालक जखमी झाला आहे. या चालकावर रूग्णालयामध्ये उपचार सुरू आहेत.