जुन्नरमध्ये भरदिवसा कोयते-रॉड घेऊन दहशत; सदाबाजार पेठेत नागरिकांमध्ये भीतीचे वातावरण!

जुन्नर: हातात कोयते घेऊन दहशत माजविण्याचा प्रयत्न

पुणे जिल्ह्यातील जुन्नर शहरातील सदाबाजार पेठेत मंगळवारी काही इसमांनी हातात धारदार कोयते आणि लोखंडी रॉड घेऊन सार्वजनिक ठिकाणी गोंधळ घातला. या प्रकारामुळे परिसरात एकच खळबळ उडाली असून नागरिकांमध्ये भीतीचे वातावरण निर्माण झाले आहे.

नेमकी घटना काय?
सदाबाजार पेठेमध्ये पाच ते सहा जणांनी भरदिवसा हातात धारदार कोयते आणि लोखंडी रॉड घेऊन परिसरात दहशत निर्माण करण्याचा प्रयत्न केला. यावेळी आरोपी मोठ्याने आरडाओरडा करून शिवीगाळ करत होते. या घटनेची माहिती मिळताच जुन्नर पोलिसांनी तातडीने घटनास्थळी धाव घेतली.

कोणावर गुन्हे दाखल?
या प्रकरणी पोलिस अंमलदार कैलास केंद्रे यांनी फिर्याद नोंदविली आहे. पोलिसांनी अरबाज हमीद हलवाई, इरफान माजिद हलवाई, शायरा माजीद हलवाई, मुस्कान अरबाज हलवाई, मोहसीन इकबाल आतार आणि एक अल्पवयीन मुलगा अशा एकूण सहा जणांवर गुन्हा दाखल केला आहे. यातील इरफान हलवाई याला पोलिसांनी ताब्यात घेतले असून, उर्वरित आरोपींचा शोध सुरू आहे.

नागरिकांमध्ये संताप:
जुन्नर शहरात 'कोयता गँग'ची दहशत पहिल्यांदाच पाहायला मिळाल्याने स्थानिक नागरिक, महिला आणि व्यापारी वर्गात भीतीचे वातावरण आहे. आरोपींनी थेट पोलिस यंत्रणेलाच आव्हान दिल्यासारखा हा प्रकार असल्याचे नागरिकांचे म्हणणे असून, या प्रकरणाची पोलिसांनी गांभीर्याने दखल घेऊन कडक कारवाई करावी, अशी मागणी जोर धरत आहे. सध्या पोलिस निरीक्षक किरण अवचर यांच्या मार्गदर्शनाखाली पोलिस पुढील तपास करत आहेत.

 

सविस्तर वाचा, लिंक कमेंट मध्ये https://punenews24.in/