Mumbai Burning Car : अंधेरीत बर्निंग कारचा थरार! ओला कॅबने अचानक घेतला पेट; प्रवासी-ड्रायव्हर थोडक्यात बचावले

Mumbai Accident : मुंबईमधून एक धक्कादायक घटना समोर आली आहे. मुंबईच्या अंधेरी पूर्वेकडील रेल्वे स्थानक परिसरातील एका ओला कारने पेट घेतल्याची घटना घडली आहे. सुदैवाने या आगीत कुठलीही जिवितहानी झालेली नाही. या घटनेने परिसरात एकच खळबळ उडाली असून वाहतूकीरवरही परिणाम झाला.

कारने अचानक घेतला पेट...

याबाबत अधिक माहिती अशी की, मुंबईच्या अंधेरी पूर्वेकडील रेल्वे स्थानक परिसरातील एका ओला कारने पेट घेतल्याची घटना घडली आहे. सुदैवाने या आगीत कुठलीही जिवितहानी झालेली नाही. वॅग्नर कंपनीची ओला कार अंधेरी पूर्वेकडील स्थानक परिसरात अडीच वाजण्याच्या सुमारास आली असता गाडीने अचानक पेट घेतला.

गाडीला आग लागतात गाडी चालक आणि प्रवासी यांनी प्रसंगावधान राखून तात्काळ गाडीतून खाली उतरले. यामुळे जीवित हानी टळली. प्रवासी-ड्रायव्हर थोडक्यात बचावले. सदरच्या घटनेबाबत अग्निशमन दलाला माहिती मिळताच अग्निशमन दलाच्या जवानांनी घटनास्थळी धाव घेत आग आटोक्यात आणण्यासाठी प्रयत्न सुरू केले.

Dhule Accident : ट्रकच्या अपघातात तीन जणांचा दुर्दैवी मृत्यू; दोघेजण गंभीर जखमी

मोठा अनर्थ टळला...

गाडीतील प्रवाशांनी तत्परता दाखवल्याने मोठा अनर्थ टळा. दरम्यान, आगीच्या या घटनेमुळे अंधेरी स्थानक परिसरातील एक बाजूची वाहतूक पूर्णपणे बंद करण्यात आली आहे. यामुळे या परिसरात मोठ्या प्रमाणावर वाहतूक कोंडी देखील झाल्याचे पाहायला मिळत आहे.