मोठी बातमी! टॅरिफ वॉरनंतर आता डोनाल्ड ट्रम्प यांचा आणखी एक बॉम्ब, सर्वात मोठी घोषणा, जगभरात खळबळ

अमेरिकेचे राष्ट्राध्यक्ष डोनाल्ड ट्रम्प सध्या चांगलेच चर्चेमध्ये आहेत. डोनाल्ड ट्रम्प यांनी जगात टॅरिफ वॉरला सुरुवात केली, त्यांनी अनेक देशांवर प्रचंड टॅरिफ लावला, परंतु दोनच दिवसांपूर्वी आलेल्या सुप्रीम कोर्टाच्या निर्णयामुळे ट्रम्प यांना जबर धक्क बसला, टॅरिफ लावण्यासाठी राष्ट्रपतींच्या आणीबाणीच्या अधिकारांचा वापर करणं हे बेकायदेशीर असल्याचं सुप्रीम कोर्टानं म्हटलं. दरम्यान त्यानंतर तर ट्रम्प हे आणखी नाराज झाले, डोनाल्ड ट्रम्प यांनी आधी अनेक देशांवरील टॅरिफ दहा टक्क्यांनी वाढवण्याचा निर्णय घेतला, त्यानंतर अवघ्या काही तासांमध्येच त्यांनी 15 टक्के टॅरिफ वाढवणार असल्याची घोषणा केली. डोनाल्ड ट्रम्प यांच्या या निर्णयाचा फटका अनेक देशांना बसणार आहे, जागतीक बाजारपेठ अस्थिर झाली आहे.

दरम्यान आता एकीकडे टॅरिफ वॉर सुरू असताना एक मोठी बातमी समोर येत आहे. ट्रम्प यांनी काही दिवसांपूर्वी व्हेनेझुएलावर हल्ला केला होता, व्हेनेझुएलाचे राष्ट्रपती निकोलस मादुरो यांना अमेरिकेनं अटक केली, त्यानंतर डोनाल्ड ट्रम्प यांनी ग्रीनलँड ताब्यात घेण्याची इच्छा व्यक्त केली होती. त्यांनी त्यासाठी साम, दान दंड अशा सर्व नीतींचा वापर केला, मात्र त्यामध्ये त्यांना काही यश आलं नाही. त्यांनी ग्रीनलँडवर हल्ला करण्याची धमकी देखील दिली आहे. यावरून अमेरिका आणि युरोपियन संघामध्ये मोठा तणाव पहायला मिळत आहे. डोन्मार्कने डोनाल्ड ट्रम्प आणि अमेरिकेला ग्रीनलँडच्या मुद्दावर विरोध केला आहे. मात्र तरी देखील डोनाल्ड ट्रम्प यांनी अजूनही ग्रीनलँडवर ताबा मिळवण्याची आशा सोडलेली नाहीये. त्यांनी आता मोठा निर्णय घेतला आहे.

मोठी घोषणा

डोनाल्ड ट्रम्प यांनी मोठी घोषणा केली आहे, आपण ग्रीनलँडमध्ये एक हॉस्पीटल बोट पाठवणार आहोत, असं त्यांनी म्हटलं आहे. डोनाल्ड ट्रम्प यांनी आपल्या सोशल मिडिया अकाउंटवरून यासंदर्भात माहिती दिली आहे. ग्रीनलँडमधील लोकांना चांगले उपचार मिळावेत यासाठी आम्ही लुइजियानाच्या गव्हर्नरसोबत मिळून तिथे एक मोठी हॉस्पिटल बोट पाठवणार असल्याचं त्यांनी म्हटलं आहे. मात्र ट्र्म्प यांच्या या निर्णयामुळे पु्न्हा एकदा मोठा वाद निर्माण होण्याची शक्यता आहे. कारण डोनाल्ड ट्रम्प यांची ग्रीनलँड ताब्यात घेण्याची महत्त्वकांक्षा जगापासून लपून राहिलेली नाहीये, डोनाल्ड ट्रम्प यांना डोन्मार्कसह अनेक देशांचा विरोध आहे. मात्र आता डोनाल्ड ट्रम्प यांनी जर ग्रीनलँडमध्ये हॉस्पीटल बोट पाठवली तर त्यामुळे पु्न्हा एकदा युरोपीयन राष्ट्र, डेन्मार्क आणि अमेरिकेत मोठा तणाव निर्माण होण्याची शक्यता आहे. याचा परिणाम संपूर्ण जगावर देखील होऊ शकतो, तणाव निर्माण झाल्यास जागतिक मार्केट अस्थिर होऊ शकतं.