Washim Crime News : देशी बनावटीच्या पिस्तुलसह युवकास अटक

Washim Crime News : विनापरवाना घातक अग्निशस्त्र बाळगल्याप्रकरणी स्थानिक गुन्हे शाखेच्या पथकाने वाशिमच्या मोहगव्हाण येथील एका २९ वर्षीय युवकास ताब्यात घेतले. त्याच्याकडून एक देशी बनावटीची पिस्तूल जप्त करण्यात आली आहे. नितीन बबन दंदे असे ताब्यात घेण्यात आलेल्या संशयिताचे नाव असल्याची माहिती पाेलिसांनी दिली.

गोपनीय बातमीदारामार्फत मोहगव्हाण येथील एक जण देशी बनावटीचे अग्निशस्त्र विनापरवाना बाळगून असल्याची माहिती एलसीबीच्या पाेलिसांना प्राप्त झाली. त्यानुषंगाने त्या ठिकाणी जाऊन संशयितास ताब्यात घेऊन त्याची अंगझडती घेतली.

Akola News : मनोज जरांगे पाटलांच्या आंदोलनामुळे एपीआय मनोज लांडगे निलंबित; काय आहे प्रकरण?

युवकाच्या कमरेला एक सिल्व्हर रंगाची देशी बनावटीची पिस्तूल मॅगझीनसह (अंदाजे किंमत १५ हजार रुपये) मिळून आली. पाेलिसांनी नितीन बबन दंदे (वय २९ रा. मोहगव्हाण, ता.जि.वाशिम) यास ताब्यात घेतले. त्यानंतर त्याच्यावर गुन्हा दाखल करत त्यास अटक करण्यात आल्याची माहिती पाेलिसांनी दिली.