Wardha Accident : ओव्हरटेकच्या नादात टिप्परची रिक्षाला धडक; दोघे ठार, तीन गंभीर जखमी

Wardha Accident News: पढेगावकडून वर्ध्याकडे येत असलेल्या रिक्षाला समोरुन भरधाव येणाऱ्या टिप्परने जोरदार धडक दिली. या  अपघातात रिक्षातील दोन प्रवाशांचा जागीच मृत्यू झाला. तर तीन प्रवासी गंभीर जखमी झाले आहेत.अपघाताची माहिती मिळताच सावंगी पोलिसांनी धाव घेत जखमींना सावंगी येथील रुग्णालयात दाखल केले. 

सदर अपघात  वर्धा ते देवळी रस्त्यावर झाला. रिक्षा चालक दिनेश नारसे हा पढेगाव येथून प्रवाशांना बसवून वर्ध्याकडे येत होता. दरम्यान समोरुन भरधाव येत असलेल्या टिप्पर चालकाने निष्काळजीपणे व घाईत ओव्हरटेक करण्याच्या प्रयत्नात रिक्षाला जोरदार धडक दिली. अपघातइतका भीषण होता की रिक्षाचा चेंदामेंदा होत दोघांचा जागीच मृत्यू झाला.

Farmer Rasta Roko : नगर- दौंड महामार्गावर शेतकऱ्यांचा रास्ता रोको; दूध, शेतमालाला भाव देण्याची मागणी

जखमींना केले रुग्णालयात दाखल 

या अपघातात आकाश किसना मांजरे (रा. सालोड), बालकृष्ण सायंकार (६९ रा. पढेगाव) अशी मृतकांची नावे आहेत. तर रुपाली अमोल झाडे (रा. सालोड), अथर्व अमोल झाडे  (वय ७, रा. सालोड), दिनेश विठोबाजी नारसे (रा. पढेगाव) हे तिघे गंभीर जखमी आहे. जखमींवर सावंगी येथील रुग्णालयात उपचार सुरु आहेत. या घटनेची माहिती मिळताच सावंगी पोलिसांनी घटनास्थळी धाव घेत मृतदेह ताब्यात घेत जखमीना रुग्णालयात दाखल केले. या घटनेमुळे या मार्गांवरील वाहतूक काही वेळ विस्कळीत झाली होती.