Pune : पुण्यात मोठी दुर्घटना! एमआयडीसीची भिंत कोसळून कामगाराचा मृत्यू; परिसरात हळहळ

Pune : पुण्यातून मोठी बातमी समोर आली आहे. अंगावर शेड आणि भिंत पडून एका निष्काप कामगाराचा दुर्देवी मृत्यू झाला आहे. काल संध्याकाळच्या सुमारास भोसरी एमआयडीसी परिसरातील 'जे' ब्लॉक येथील प्लॉट नंबर ४८५ या ठिकाणी ही घटना घडली आहे. या दुर्दैवी घटनेत मारुती भालेवार (३५ वर्षे) यांचा दुर्दैवी मृत्यू झाला आहे. पिंपरी चिंचवड महानगरपालिकेच्या अग्निशमन दलाने घटनास्थळी पोहोचून बचाव कार्य सुरु केले आहे.

भोसरी एमआयडीसीतील 'जे' ब्लॉक येथील प्लॉट नंबर ४८५ या ठिकाणी एका खाजगी कंपनीचा बांधकाम करण्यासाठी जे सी बी मशीनने खोदकाम सुरू होतं. हे खोदकाम करत असताना बाजूला असलेल्या 'एम एस मेटल वर्क' या कंपनीचं जुना शेड आणि भिंत कामगाराच्या अंगावर पडल्याने. मारुती भालेराव या कामगाराचा जागीच दुर्देवी मृत्यू झाला आहे.

Pune : खोटे शिक्के आणि बनावट कागदपत्रांचा वापर; PMC आणि बँकेची फसवणूक करणारा ठेकेदार अखेर जेरबंद

या घटनेसंदर्भात पिंपरी चिंचवड महानगरपालिकेच्या अग्निशमन दलाला माहिती देण्यात आली. माहिती मिळताच अग्निशमन दलाने घटनास्थळी पोहोचून बचाव कार्य तातडीने सुरु करून मारुती भालेराव यांचा मृतदेह मातीच्या ढिगाऱ्या खालून काढला आहे. या प्रकरणात एमआयडीसी भोसरी पोलिसांनी आकस्मिक मृत्यूची नोंद केली आहे.

मात्र 'जे' ब्लॉक येथील प्लॉट क्रमांक ४८५ चा मालक एमआयडीसी आणि पिंपरी चिंचवड महापालिकेची रीत सर परवानगी घेऊन खोदकाम करत होता का ? हे अजून स्पष्ट झालेल नाही. आता या प्रकरणात एमआयडीसी भोसरी पोलीस प्लॉट क्रमांक ४८५ चा मालक आणि त्या ठिकाणी काम करणारा ठेकेदार यावर काय कायदेशीर कारवाई करतात हे पाहणं तितकंच महत्त्वाचं असणार आहे.