Pune Leopard News : शिरोली खुर्द (ता. जुन्नर) येथे आई-वडिलांच्या कुशीत झोपलेली मेंढपाळांची दीड ते दोन वर्षांची मुलगी बुधवारी (ता. ११) पहाटे पाच वाजण्याच्या सुमारास बिबट्याने पळवून नेली. संस्कृती संजय कोळेकर, असे तिचे नाव आहे. शेजारील उसाच्या शेताच्या बांधावर तिच्या डोक्याची कवटीची हाडे व उजव्या पंजाचा काही भाग आढळून आला.
संजय कोळेकर व त्यांचे कुटुंब नगर जिल्ह्यातील पारनेर तालुक्यातील धोत्रे गावाचे असून, ते गेली अनेक वर्षांपासून शिरोली खुर्द येथे मेंढ्यांचा कळप चारण्यासाठी घेऊन येतात. बुधवारी रात्री शिरोली खुर्द येथे संपत मोरे या शेतकऱ्याच्या शेतात इतर मेंढपाळांसह कोळेकर यांच्या कुटुंबाचा मुक्काम होता. गुरुवारी पहाटे पाच वाजण्याच्या सुमारास बिबट्याने चोर पावलाने येऊन कोळेकर व त्यांच्या पत्नीमध्ये झोपलेली दीड वर्षाच्या संस्कृती हिला उचलून नेले, अशी माहिती पोलिस पाटील विक्रम मोरे यांनी दिली.
|
|
या घटनेची माहिती वन विभागाला प्राप्त होताच वनपरिक्षेत्र अधिकारी प्रदिप चव्हाण यांच्या मार्गदर्शनाखाली वन विभागाचे पथक घटनास्थळी रवाना झाले. त्यांनी आजूबाजूच्या शेतात मुलीचा शोध घेतला. ड्रोन कॅमेऱ्याच्या माध्यमातून शोध घेतला असता उसाच्या शेतातून बिबट पळाल्याचे निदर्शनास आले. तसेच, एका शेताच्या जवळ मुलीच्या डोक्यातील टोपडे व फ्रॉक आढळून आला. तेथील परिसरातील शेतात शोध घेतला असता सुभाष थोरात व विश्वास जाधव यांच्या उसाच्या शेताच्या बांधावर मुलीच्या डोक्याची कवटीची हाडे व उजव्या पंजाचा काही भाग आढळून आला.
दरम्यान, उपविभागीय पोलिस अधिकारी रवींद्र चौधर, जुन्नरचे पोलिस निरीक्षक किरण अवचर, सहाय्यक पोलिस निरीक्षक दिलीप पवार यांनी पंडित थोरात, सागर शिंदे यांच्या पोलिस पथकासह घटनास्थळी जाऊन पंचनामा करून प्राप्त अवशेष शवविच्छेदनासाठी पाठवले आहेत. माहिती मिळताच जुन्नरचे आमदार अतुल बेनके, विघ्नहर सहकारी साखर कारखान्याचे अध्यक्ष सत्यशील शेरकर यांनी घटनास्थळी भेट दिली.
जुन्नर तालुक्यात नगर जिल्ह्यातून चाऱ्याच्या शोधात मोठ्या प्रमाणावर मेंढपाळ दाखल झाले. उघड्यावर संसार थाटून आपल्या मेंढ्यांचा बिबट्यापासून बचाव करत जगणे त्यांच्यासाठी तारेवरची कसरत आहे. तसेच, त्यांच्या स्वतःच्या जीविताला धोका निर्माण झाला. शिरोली खुर्द येथे घडलेली घटना अतिशय दुर्दैवी आहे. जुन्नर तालुक्यात बिबट्यांची संख्या वारेमाप वाढल्याने अशा घटना वारंवार घडत आहेत. वन विभागानेदेखील नागरिकांच्या सुरक्षीततेसंदर्भातील उपाययोजना करून त्याबाबत समाजामध्ये जनजागृती करावी. उघड्यावर वास्तव्यास असलेल्या नागरिकांनी स्वतःच्या सुरक्षिततेबाबत दक्षता घेऊन वन विभागाने दिलेल्या सूचनांचे पालन करावे, असे जून्नरचे आमदार अतुल बेनके म्हणाले.
घडलेली घटना अतिशय दुर्दैवी असून, वन विभागाने बिबट्याला पकडण्यासाठी १२ पिंजरे, ८ ट्रॅप कॅमेरे, १० रेस्क्यू टीम, ३० वन अधिकारी व कर्मचारी नियुक्त केले आहेत. उघड्यावर वास्तव्यास असणाऱ्या नागरिकांनी स्वतःच्या सुरक्षिततेसाठी उपाययोजना करणे आवश्यक आहे, असे वनपरिक्षेत्र अधिकारी प्रदिप चव्हाण म्हणाले.
शहर
- नांदेड: फॉर्च्युनर कारला झालेल्या किरकोळ खमकीवरून टोकाचे पाऊल; दुचाकीची चावी काढून मारहाण व भरपाईचा तगादा लावल्याने हदगावच्या तरुणाने संपवले जीवन!
- नागपूर: हिंगणा मार्गावर भरधाव ट्रकच्या धडकेत महिला प्राध्यापिकेचा मृत्यू; चालक घटनास्थळावरून फरार
- पुणे: खिडकी वाटली म्हणून... दिल्ली-पुणे विमानात प्रवाशाने आकाशात उघडण्याचा प्रयत्न केला इमर्जन्सी दरवाजा; उडाली खळबळ
- पुणे: गेल्या दहा-बारा वर्षांमध्ये भारतातील ५० कोटी लोकांची गरिबी दूर झाली: पंतप्रधान नरेंद्र मोदी
महाराष्ट्र
- सिंधुदुर्ग: सागरी हद्दीत घुसखोरी करून बेकायदा मासेमारी; मत्सव्यवसाय विभागाची धडक कारवाई, कर्नाटकाची 'सुलतान' नौका जप्त करत तांडेलसह सात खलाशांना घेतले ताब्यात!
- पुणे: पायल झांबरे मृत्यू प्रकरण आरोपींना फाशीची शिक्षा द्या; पुण्यात न्यायालयाबाहेर नातेवाईकांचे तीव्र आंदोलन!
- उल्हासनगर: दिवाळीत डबल डेकर मेट्रोची भेट; मेट्रो ५ आणि ५ अ च्या निविदा जाहीर होताच शिंदेंच्या शिवसैनिकांकडून पेढे वाटून जोरदार जल्लोष!
- कोल्हापूर: आंदोलन तर फक्त ट्रेलर आहे, पिक्चर अभी बाकी है! गडहिंग्लज तालुका दुष्काळी घोषित करण्यासाठी शेतकऱ्यांचा ट्रॅक्टर मोर्चा!
गुन्हा
- पुणे: हुंड्याच्या त्रासाला कंटाळून उच्चशिक्षित पायल झांबरेची आत्महत्या; संतप्त माहेरच्यांनी 'झांबरे पॅलेस' फोडले, पतीला अटक
- छत्रपती संभाजीनगर: एसबीआय बँकेत भामट्याची हातचलाखी; 'पैसे मोजून देतो' म्हणत वृद्धेचे २९,००० रुपये लांबवले
- मुंबई: ६६ लाखांचा हायड्रो गांजा जप्त: साताऱ्यातील दोघा जणांना बेड्या, अंधेरीतील कारवाईने खळबळ
- हिंगोली: घरफोडी करणाऱ्या आरोपीला पकडण्यासाठी गेलेल्या लातूर क्राईम ब्रंचच्या पोलिसांच्या डोळ्यात लाल मिरची पुड फेकून जीवघेणा हल्ला, चार पोलीस कर्मचारी जखमी
राजकीय
- नवी दिल्ली: धावत्या कारमध्ये सीएनजीचा भीषण स्फोट; २ आमदारांसह ६ जण जखमी!
- पुणे: लग्नाचं आमिष दाखवून फसवणूक केल्याचा आरोप करत महिलेचा सर्वसाधारण सभेत आत्मदहनाचा प्रयत्न
- मुंबई: 'आंबा चोरला म्हणून फाशी नसते, नीट पेपरफुटीवर चंद्रकांत पाटलांचं वादग्रस्त वक्तव्य; मूल गमावलेल्या आईला लेकरू कुठल्या बाजारातून आणाल? काँग्रेस-मनसेचा संताप'
- नवी दिल्ली: पंतप्रधान मोदींचं सीजेपी आंदोलनावर मोठं भाष्य, 'युवकांच्या भविष्याशी खेळणाऱ्यांना सोडणार नाही, कठोर कारवाईचा इशारा!'
इतर
- लक्ष्मी-नारायण योगाचे भविष्य: २८ ऑक्टोबर २०२६ रोजी मेष, सिंह आणि वृश्चिक राशीच्या लोकांची कामात प्रगती, जाणून घ्या तुमचे राशीभविष्य
- २४ ऑक्टोबर २०२६ चे सविस्तर दैनिक राशिभविष्य: शनिदेवांची कृपा आणि नवीन संधी
- आजचे राशिभविष्य (१६ ऑक्टोबर २०२६): लक्ष्मी नारायण योगाचा या राशींना लाभ, शुक्र देणार पैसा व सुख-समृद्धी; पाहा तुमचे राशिभविष्य!
- आजचे राशिभविष्य १५ ऑक्टोबर २०२६: गुरु करणार सौभाग्य योग निर्माण, या राशींना मिळणार गुरुचे पाठबळ व लाभ!
मनोरंजन
- 'ईथा' चित्रपटावरून नवा वाद; विठाबाई नारायणगावकर यांच्या कुटुंबीयांचा तीव्र आक्षेप
- ओटीटीवर दाखल झाला 'खालिद के शिवाजी'; छत्रपती शिवाजी महाराजांच्या विचारांचा अनोखा प्रवास आता घरबसल्या अनुभवता येणार!
- मनोरंजन: दिलजीत चा चित्रपट वादाच्या भोवऱ्यात,काय आहे कारण ?
- मराठी हॉरर -कॉमेडी चित्रपट 'भूतम भयम्'!! अभिनेत्री छाया कदम यांचा भीतिदायक लूक समोर
विडियो गॅलेरी
Subscribe to my channel
देश विदेश
- नवी दिल्ली: मनमोहन सिंग यांच्या कार्यकाळात सोनिया गांधीच खऱ्या पंतप्रधान होत्या, पण नरेंद्र मोदी हेच खरे आणि दबंग पंतप्रधान आहेत - काँग्रेसचे माजी परराष्ट्र मंत्री नटवर सिंग यांचे वक्तव्य
- चंदीगड: पंजाबमध्ये मोठी कारवाई काँग्रेसचे माजी मंत्री सुंदर शाम अरोड़ा यांच्या होशियारपुर येथील निवासस्थानावर ईडीची धाड, सीआरपीएफचे जवान तैनात
- चंदीगड: पंजाब विधानसभा निवडणुकीपूर्वी आम आदमी पक्षाला मोठा धक्का; ३ आमदारांनी पक्ष सोडत भाजपमध्ये केला प्रवेश
- दिल्ली: विधान परिषद निवडणुकीतील पराभवानंतर राष्ट्रवादीच्या बड्या नेत्यांची दिल्लीत अमित शाहांची भेट; सुनेत्रा आणि पार्थ पवारांना वगळल्याने राजकीय वर्तुळात खळबळ
