Pune Accident : पुण्यात पुन्हा हिट अँड रनचा थरार, भरधाव कंटेनरने प्रवासी रिक्षाला उडवलं; दोघांचा घटनास्थळीच मृत्यू

Pune : पुण्यामध्ये पुन्हा एकदा हिट अँड रनचा थरार घडलाय. पुणे -सोलापूर महामार्गावर भीषण अपघात झाला. भरधाव कंटेनरने रिक्षाला जोरदार धडक दिली. या अपघातानंतर कंटेनर चालक घटनास्थळावरून फरार झाला. या अपघातामध्ये दोन प्रवाशांचा जागीच मृत्यू झाला. तर अन्य दोघे जण गंभीर जखमी झालेत. सोलापूर रोडवरील सिद्धिविनायक पेट्रोल पंपाजवळ ही घटना घडली. या अपघाताचा तपास पुणे पोलिसांकडून सुरू आहे.

मिळालेल्या माहितीनुसार, पुणे-सोलापूर महामार्गावर शेवाळवाडी येथे आज दुपारी रिक्षा आणि कंटेनरचा अपघात झाला. शेवाळवाडी चौक येथे ही घटना घडली. रिक्षामधून ४ जण प्रवास करत होते. यामधील दोघांचा जागीच मृत्यू झाला. तर दोन जण गंभीर जखमी झालेत. जखमींची प्रकृती चिंताजनक आहे. जखमींना तात्काळ उपचारासाठी ससून रुग्णालयामध्ये हलवण्यात आले.

Solapur Accident : देवीची ज्योत घेऊन येताना काळाचा घाला! पिकअप व्हॅन उलटले, २ जण जागीच ठार; ६ गंभीर जखमी

रवींद्र चौधरी, बंटी चौहान, प्रदुमन राज, सुनील कुमार हे सर्वजण गंभीर जखमी झाले होते. हे सर्वजण पुण्यातल्या मांजरीमधील महादेवनगरमध्ये राहतात. अपघातामध्ये गंभीर जखमी झालेल्या चौघांपैकी दोघांनी घटनास्थळावरच प्राण सोडले. तर इतर दोघांना ससून रुग्णालयात उपचारासाठी दाखल करण्यात आले. या अपघातानंतर रिक्षा चालक आणि डंपर चालक यांना शोधून घेत ताब्यात घेतले. पोलिस या अपघाताचा तपास करत असून पुढील कारवाई करण्यात येणार आहे.