Pune News: पुणेकरांसाठी बातमी; मध्यवस्तीमधील १५ रस्त्यांवर वाहतूक बंदी, असे असतील बंद रस्ते-पर्यायी मार्ग

Pune : गणेशोत्सवात देखावे पाहण्यासाठी येणाऱ्यांची संख्या मोठी असल्याने वाहतूक पोलिसांनी ११ ते १८ सप्टेंबर दरम्यान सायंकाळी पाच ते रात्री गर्दी संपेपर्यंत शहराच्या मध्य वस्तीमधील १४ रस्त्यांवर वाहतुकीत बदल केला आहे. वाहनचालकांनी पर्यायी मार्गाचा वापर करावा, असे आवाहन वाहतूक पोलिसांनी केलं आहे.

असे असतील बंद रस्ते व पर्यायी मार्ग

लक्ष्मी रस्ता : हमजेखान चौक ते टिळक चौक रस्ता बंद.

पर्यायी मार्ग : डुल्या मारुती चौकातून उजवीकडे वळून दुधभट्टीवरून सरळ दारूवाला पुलाकडे जाता येईल.

हमजेखान चौकातून डावीकडे वळून महाराणा प्रताप रस्ताने सरळ घोरपडी पेठ पोलिस चौकीपासून पुढे शंकर शेठ रस्त्याने जावे.

शिवाजी रस्ता : स. गो. बर्वे ते जेधे चौक रस्ता बंद

पर्यायी मार्ग : शिवाजीनगरवरून स्वारगेटकडे जाणाऱ्या सर्व प्रकारच्या वाहनांनी स. गो. बर्वे चौक, जे. एम. रस्ता, टिळक चौक, टिळक रस्ता किंवा शास्त्री रस्त्याचा वापर करावा. सिमला चौक-कामगार पुतळा चौक-शाहीर अमर शेख चौक बोल्हाई चौकमार्गे नेहरु रस्त्याचा वापर करून स्वारगेटकडे जाणाऱ्या रस्त्याचा वापर करावा.

Pune : पुण्यात गणेशोत्सवात ध्वनिप्रदूषणाचाच ‘आव्वाज’! कमाल मर्यादा पातळीचा सर्वत्र भंग; दोनशे मंडळांच्या ठिकाणी तपासणी

 

 कुंभारवेस चौक, पवळे चौक, साततोटी चौक, योजना हॉटेलकडून उजवीकडे वळून देवजी बाबा चौक, हमजेखान चौक, महाराणा प्रताप रस्तामार्गे घोरपडी पेठ पोलिस चौकी, घोरपडी पेठ उद्यान, झगडे आळी ते शंकर शेठ रस्ता मार्ग जाता येईल.

- वाहतुकीच्या परिस्थितीनुसार गाडगीळ पुतळ्यापर्यंत येणारी दुचाकी वाहने ही लालमहलपर्यंत सोडण्यात येतील. तेथून दुचाकी वाहनचालकांनी डावीकडे फडके हौद चौकाकडे किंवा उजवीकडील फुटका बुरुजकडून इच्छितस्थळी जावे.

बाजीराव रस्ता : पूरम चौक ते आप्पा बळवंत चौक रस्ता बंद

पर्यायी मार्ग : पूरम चौक, टिळक रस्ताने टिळक चौकातून उजवीकडे वळून केळकर रस्ताने अप्पा बळवंत चौक.

टिळक रस्ता : मराठा चेंबर्स ते हिराबाग चौक रस्ता बंद

पर्यायी मार्ग : जेधे चौक, नेहरू स्टेडीयम समोरील एकेरी मार्गाने जमनालाल बजाज पुतळ्याकडून उजवीकडे वळून पुरम चौक व हिराबाग

सिंहगड गॅरेज, घोरपडी पेठ ते राष्ट्रभूषण ते हिराबाग चौक रस्ता बंद

पर्यायी मार्ग : सिंहगड गॅरेज चौकातून सरळ झगडेवाडी, वेगासेंटर (शंकरशेठ रस्ता) पासून वाहनचालकांनी इच्छितस्थळी जावे.

दिनकर जवळकर पथ ते पायगुडे चौक (जोशी आळी) हिराबाग चौक रस्ता बंद

पर्यायी मार्ग : दिनकरराव जवळकर रस्त्याने सरळ बाजीराव रस्त्यावरून डावीकडे वळून टेलिफोन भवन ते पूरम चौक, टिळक रस्त्याने वाहनचालकांनी इच्छितस्थळी जावे.

कै. अनंत बाळकृष्ण नाईक पथ (जगदीश गॅरेज उप-रस्ता) ते टिळक रस्ताकडे जाण्यास बंदी

सणस रस्ता : गोटीराम भैय्या चौक ते गोविंद हलवाई चौक रस्ता बंद

पर्यायी मार्ग : गोटीराम भैय्या चौक, गाडीखाना, सुभेदार तालीम, डावीकडे वळून कस्तुरे चौक, डावीकडे वळून गोविंद हलवाई चौक या रस्त्याचा वापर करावा.

पानघंटी चौक ते गंज पेठ चौकी रस्ता बंद

पर्यायी मार्ग : पानघंटी चौक, जैन मंदिर चौक, फुलवाला चौक, कस्तूरे चौक, उजवीकडे वळून गंज पेठ चौकीमार्गे इच्छितस्थळी जावे.

गंजपेठ चौकातून वीर लहुजी वस्ताद तालीमकडे जाण्यास बंदी

गावकसाब मशिद ते सेंट्रल स्ट्रीट चौकी रस्ता बंद

पर्यायी मार्ग : गावकसाब मशिद, बाबाजन चौक, सरबतवाला चौक, सेंट्रल स्ट्रीट चौकीमार्ग जाता येणार.

कोहिनुर चौक ते बाबाजान चौक रस्ता बंद

पर्यायी मार्ग : कोहिनुर चौक, भगवान महावीर चौकातून डावीकडे वळून सरबतवाला चौक, डावीकडे वळून बाबाजान चौक या पर्यायी वापर करावा.

जेधे प्रसाद रस्ता/सुभानशहा रस्ता, पार्श्वनाथ चौक (नाईक हॉस्पिटल) ते शास्त्री चौक, सुभानशहा दर्गा ते सोन्या मारुती चौक रस्ता बंद

पर्यायी मार्ग : पार्श्‍वनाथ चौकातून डावीकडे वळून सुभेदार तालीम चौक, सरळ शिवाजी रस्ताने शिंदे आळीतून इच्छितस्थळी जावे.

- गुरूनानक पथ हमजेखान चौक ते देवजीबाबा चौकाकडे जाणेसाठी ११ ते १८ सप्टेंबर दरम्यान ‘प्रवेश बंद’मधून जाण्याकरीता परवानगी देण्यात आली आहे.

नो-पार्किंग असलेले रस्ते

- शिवाजी रस्ता : जिजामाता चौक ते गोटीराम भैय्या चौक

- मंडई ते शनिपार चौक