NPS मध्ये आता आरोग्य विमा, महागड्या प्रीमियमची सुट्टी, जाणून घ्या

तुम्ही नॅशनल पेन्शन सिस्टम म्हणजेच NPS मध्ये गुंतवणूक करत असाल तर ही बातमी तुमच्यासाठी खूप महत्वाची आहे. पेन्शनशी संबंधित सर्वात मोठे नियामक पेन्शन फंड रेग्युलेटरी अँड डेव्हलपमेंट अथॉरिटी (PFRDA) ने एक मोठा निर्णय घेतला आहे.

ग्राहकांना आता आरोग्य कव्हरही मिळणार आहे. PFRDA चे म्हणणे आहे की, तीन पेन्शन फंड मॅनेजर या दिशेने काम करत आहेत. या योजना पेन्शन उत्पादनास आरोग्य विमा किंवा आरोग्य सेवेसह एकत्र करतील. यात पेन्शनसह विमा मिळेल.

बिझनेस स्टँडर्डमध्ये प्रसिद्ध झालेल्या वृत्तानुसार, ICICI , अ‍ॅक्सिस आ8णि टाटाचे पेन्शन फंड आरोग्याशी संबंधित नवीन योजनेवर काम करत आहेत. यामध्ये कोणतीही व्यक्ती आपल्या आवडीच्या कोणत्याही पेन्शन फंड मॅनेजरकडे आरोग्य खात्यात पैसे जमा करू शकते.

विद्यमान NPS मल्टिपल स्कीम फ्रेमवर्क (MFS) अंतर्गत निश्चित केलेल्या गुंतवणूक मार्गदर्शक तत्त्वांनुसार ते पैसे गुंतवेल. सेवानिवृत्तीसाठी बचत करण्याबरोबरच आपल्या वैद्यकीय खर्चासाठी सुरक्षित निधी तयार करू इच्छिणाऱ्यांना लक्षात घेऊन ही योजना खास तयार करण्यात आली आहे.

तुम्ही 30 टक्के रक्कम स्वतंत्रपणे जमा करू शकता

या वर्षी जानेवारीमध्ये PFRDA ने आरोग्य मंच सुरू केला. ग्राहकांना आरोग्य कवच प्रदान करणे हा या उपक्रमाचा एक भाग आहे. या अंतर्गत, गुंतवणूकदार त्यांच्या पेन्शन योजनेतील 30 टक्के रक्कम वैद्यकीय गरजांसाठी बाजूला ठेवू शकतात. हा एक प्रकारचा “मेडिकल पेन्शन” फंड बनेल, ज्याचा वापर केवळ उपचारांसाठी केला जाईल. यामुळे एक विशेष “वैद्यकीय पेन्शन” पूल तयार होईल.

वृद्धापकाळात वाढत्या आरोग्य सेवेच्या खर्चासाठी लोकांना आर्थिकदृष्ट्या तयार राहण्यास प्रोत्साहित करणे हे उद्दीष्ट आहे, जे बहुतेक वेळा सेवानिवृत्तीचा सर्वात मोठा धोका असतो.

NPS हेल्थ पेन्शन योजना म्हणजे काय?

NPS हेल्थ पेन्शन योजना विशेषत: उपचारांशी संबंधित गरजांसाठी तयार केली गेली आहे. या योजनेत जमा केलेले पैसे भविष्यात डॉक्टरांची फी, औषधे आणि हॉस्पिटलायझेशनच्या खर्चासाठी वापरले जाऊ शकतात. सोप्या भाषेत सांगायचे तर, आता तुमची पेन्शनची रक्कम केवळ सेवानिवृत्तीसाठीच नव्हे तर तुमच्या आजारासाठीही उपयुक्त ठरेल.

NPS मध्ये तुम्हाला आरोग्याशी संबंधित योजनांचा लाभ मिळेल

खरं तर, NPS मध्ये बरेच गुंतवणूकदार आहेत, म्हणून पेन्शन फंड मोठ्या प्रमाणात बोलू शकतात. यामुळे आरोग्य विमा कंपन्यांकडून स्वस्त टॉप-अप योजना मिळू शकतात. मोठ्या प्रमाणामुळे रुग्णालयांनाही उपचारांमध्ये चांगला सौदा मिळू शकतो. यासोबतच रुग्णालयाला उपचारानंतर लगेच पैसे मिळणार आहेत. हे केंद्र सरकारच्या आरोग्य योजनेपेक्षा वेगळे आहे, जिथे पैसे भरण्यास काही महिने लागतात.

आयसीआयसीआय, अ‍ॅक्सिस आणि टाटा ग्रुप यावर काम करत आहेत. या कंपन्या टॉप अप प्लॅन लाँच करू शकतात. पीएफआरडीएने आशा व्यक्त केली आहे की आयसीआयसीआय लवकरच अंतिम उत्पादन बाजारात आणण्याच्या तयारीत आहे.

ही योजना कशी काम करणार?

ही योजना एकप्रकारे मल्टीपल स्कीम फ्रेमवर्क अंतर्गत काम करेल. येथे ग्राहकांना स्वत: चे योगदान द्यावे लागेल. PFRDA च्या परिपत्रकानुसार, ही एक अंशदायी पेन्शन योजना असेल. सध्या या योजनेची पायलट प्रोजेक्ट म्हणून चाचणी केली जात आहे. पेन्शन फंड मर्यादित काळासाठी ही योजना देऊ करतील. सध्या हे केवळ एक किंवा दोन राज्यांपुरते मर्यादित नाही, तर प्रायोगिक तत्त्वावर पीएफआरडीएने सर्वांसाठी ऐच्छिक तत्वावर ही योजना सुरू केली आहे. 2026 च्या सुरुवातीलाच ही योजना आणली असल्याने हळूहळू अधिक राज्यांमध्ये याची पूर्णपणे अंमलबजावणी होईल.