Nagpur Blast : स्फोटात मृत्यू झालेल्यांच्या कुटुंबियांना मदत जाहीर, उपमुख्यमंत्री देवेंद्र फडणवीसांची माहिती

Nagpur Blast : लार इंडस्ट्रीजमध्ये झालेल्या स्फोटाच्या ठिकाणी जाऊन उपमुख्यमंत्री देवेंद्र फडणवीसांनी भेट दिली. तसेच या घटनेच्या सखोल चौकशीचे देखील आदेश देण्यात आल्याचं यावेळी फडणवीसांनी म्हटलं.  राज्य सरकारकडून  मृतांच्या वारसांना 5 लाख रुपये मदत जाहीर करण्यात आल्याची माहिती देवेंद्र फडणवीस यांनी दिली. तसेच कंपनीकडून सुद्धा 20 लाख रुपये मदत त्यांनी जाहीर केल्याचं सांगण्यात आलं आहे. देवेंद्र फडणवीसांनी ट्वीट करत ही माहिती दिली. 

नागपूर अमरावती रोडवर बाजार गाव येथे ही कंपनीत आज सकाळी नऊ वाजण्याच्या सुमारास स्फोट झाल्याची घटना घडली. या दुर्घटनेत नऊ जणांचा मृत्यू झाल्याची माहिती समोर आली. मृतांमध्ये 6 महिला आणि 3 पुरुषांचा समावेश आहे. दरम्यान, सोलार एक्सप्लोसिव्ह बनवणाऱ्या कंपनीत हा स्फोट झाला आहे. तसेच, या स्फोटात अनेक मजूरही गंभीररित्या जखमी झाले आहेत. 

Sudhakar Badgujar : सुधाकर बडगुजर यांच्या अडचणीत मोठी वाढ, पोलीस ठाण्यात गुन्हा दाखल; काय आहे प्रकरण?

देवेंद्र फडणवीसांनी काय म्हटलं?

सोलर इंडस्ट्रीजमध्ये झालेल्या स्फोटाच्या ठिकाणी जाऊन पाहणी केली आणि मृत्युमुखी पडलेल्या व्यक्तींच्या कुटुंबीयांची सुद्धा भेट घेतली. त्यांना सांत्वना दिली. अतिशय दुर्दैवी अशा या घटनेची सखोल चौकशी करण्यात येईल. राज्य सरकारकडून मृतांच्या वारसांना 5 लाख रुपये मदत जाहीर करण्यात आलेली आहे. कंपनीकडून सुद्धा 20 लाख रुपये मदत त्यांनी जाहीर केली आहे. या कुटुंबियांच्या पाठीशी राज्य सरकार भक्कमपणे उभे राहील, अशी ग्वाही दिली, असं देवेंद्र फडणवीस म्हणाले.