केवळ जातीचा उल्लेख केला म्हणून ॲस्ट्रोसिटीचा गुन्हा होऊ शकत नाही, उद्देश महत्त्वाचा- हायकोर्ट

Mumbai :   मुंबई हायकोर्टाच्या नागपूर खंडपीठाने ॲस्ट्रोसिटी संदर्भात महत्त्वाचं वक्तव्य केलं आहे. एका व्यक्तीच्या केवळ जातीचा उल्लेख करणे ॲस्ट्रोसिटी अत्तर्गत गुन्हा होऊ शकत नाही. याप्रकरणात व्यक्तीचा उद्देश महत्वाचा असतो, अशी टिप्पणी हायकोटनि केली आहे. अपमानजनक पद्धतीने एखाद्याने जातीचा उल्लेख करणे अॅट्रोसिटी अंतर्गत गुन्हा ठरतो, असं हायकोटनि स्पष्ट केलं.

हायकोटनि आरोपीला अटकपूर्व जामीन दिला आहे. याप्रकरणी आरोपी कमलअली याच्याविरोधात ॲस्ट्रोसिटीचा गुन्हा दाखल करण्यात आला होता. चार लोक सार्वजनिक बांधकाम विभागाच्या कार्यालयात आले आणि त्यांनी शिवीगाळ केल्याचा आरोप अजय चहादे यांनी केला होता. १२ जानेवारी २०२४ रोजी ही तक्रार चंद्रपूर जिल्ह्यातील ब्रह्मपुरी पोलीस ठाण्यात दाखल करण्यात आली होती.
आरोपीने जामिनासाठी सत्र न्यायालयात अर्ज केला होता.

Lok Sabha Result:अजित पवारांचे भवितव्य लोकसभा निकालावर अवलंबून, काका बिघडवणार पुतण्याचं विधानसभेचं गणित?

पण, सत्र न्यायालयाने अर्ज फेटाळल्यानंतर त्याने हायकोर्टामध्ये धाव घेतली. पोलिसांनी सुरुवातीला अज्ञात व्यक्तीविरोधात गुन्हा दाखल केला होता. त्यानंतर कमलअली विरोधात गुन्हा दाखल केला. याप्रकरणी त्याच्याविरोधात कोणताही सबळ पुरावा नाही असा युक्तीवाद कोर्टामध्ये करण्यात आला होता.
दुसरीकडे, विरोधात असा दावा करण्यात आला की कार्यालयातील व्हिडिओ प्राप्त झाला आहे. त्याच्याच आधारावर आरोपीवर गुन्हा दाखल करण्यात आला होता. कोटनि दोन्ही बाजू ऐकून घेतल्या आणि आरोपीला २५ हजाराच्या जातमुचलक्यावर अटकपूर्वी जामीन मंजूर केला आहे. न्यायमूर्ती उर्मिका जोशी-फाळके यांच्या खंडपीठाने हा निर्णय दिला आहे.