Maharashtra Political News LIVE : आज आग्र्यातही उत्साहात साजरी होणार शिवजयंती

19 Feb 2026 09:06 AM (IST)

राज्यभरात शिवजयंतीचा उत्साह…

आज राज्यभरात शिवजयंतीचा उत्साह बघायला मिळतोय. राज्यपालांकडून शिवाजी महाराजांच्या पुतळ्याल पुष्पहार अर्पण करण्यात आला.

19 Feb 2026 08:58 AM (IST)

Chhatrapati Shivaji Maharaj Jayanti : मराठा वस्ती परिसरातील मंडळाने घालून दिला नवा आदर्श

छत्रपती शिवाजी महाराजांच्या जयंतीनिमित्त सोलापुरातील मराठा वस्ती परिसरातील मंडळाने घालून दिला नवा आदर्श. मागील 7 वर्षापासून डीजेमुक्त शिवजयंती साजरी करत केला जातोय शिवजागर. डीजेचा खर्च टाळत परिसरातील महिलांना मराठमोळी साडी-चोळीचा पोशाख दिला जातोय भेट.मराठी संस्कृती, परंपरा टीकावी आणि डिजेमुक्त उत्सव साजरा करण्यासाठी हा प्रयत्न असल्याचे सांगितले जाते. मंडळाच्या या संकल्पनेचे कौतुक संपूर्ण शहरात होत आहे.

19 Feb 2026 08:50 AM (IST)

धाराशिव जिल्हा परिषदेतील भाजपचे सदस्य कर्नाटकात सहलीवर

धाराशिव जिल्हा परिषदेत सत्ता स्थापनेचं अंकगणित अजूनही अंतिम टप्प्यात पोहोचलेलं नसताना भाजपचे काही जिल्हा परिषद सदस्य कर्नाटकात सहलीवर आहेत .उत्तर कन्नड जिल्ह्यातील बीच वर त्यांनी फेरफटका मारला तसेच जंगल सफारीसाठी त्यांनी दांडेली परिसर गाठत दांडेली वाईल्डलाइफ अभयारण्यात सफारीचा अनुभव घेतल्याचा व्हिडिओ समोर आला आहे.

19 Feb 2026 08:42 AM (IST)

नाशिकमध्ये अंमली पदार्थ विक्री करणारा तरुण पोलिसांच्या ताब्यात

नाशिक मध्ये एम.डी. अंमली पदार्थ विक्री करणारा तरुण अंमली पदार्थ विरोधी पथकाच्या ताब्यात. चेतना नगर परिसरात सापळा रचून वैभव पांडुरंग आव्हाड (वय २५) याला अटक. राहत्या घरात मेफेड्रॉन (एम.डी.) अंमली पदार्थ विक्रीसाठी साठा केल्याची गोपनीय माहिती. प्रभारी वपोनि सुशिला कोल्हे यांच्या नेतृत्वाखाली अचूक कारवाई.

19 Feb 2026 08:25 AM (IST)

Chhatrapati Shivaji Maharaj Jayanti : 422 किल्ल्यांच्या नावातून उभा राहिला शिवछत्रपतींचा तेजोमय पोर्ट्रेट

कल्याण मध्ये छत्रपती शिवाजी महाराज जयंतीनिमित्त अनोखी कलाकृती साकार. 422 किल्ल्यांच्या नावातून उभा राहिला शिवछत्रपतींचा तेजोमय पोर्ट्रेट चित्राचा अविष्कार. संशोधक कलावंत डॉ. दिनेश गुप्ता आनंदश्री यांची दोन दिवसांची परिश्रमपूर्वक कलासाधना. युनेस्कोच्या जागतिक वारसा दर्जातून मिळाली प्रेरणा. इतिहास, कला आणि राष्ट्रप्रेरणेचा अनोखा संगम.

19 Feb 2026 08:20 AM (IST)

Chhatrapati Shivaji Maharaj Jayanti : जय जिजाऊ, जय शिवराय घोषणांनी परिसर दणाणला

शिवजयंतीच्या पूर्वसंध्येला छत्रपती शिवरायांना अभिवादन करण्यासाठी शिवप्रेमींची मोठी गर्दी झाली होती. छत्रपती संभाजीनगर शहरातील क्रांती चौकातील छत्रपती शिवाजी महाराजांच्या पुतळ्यासमोर उत्साहाचं वातावरण. जय जिजाऊ, जय शिवराय घोषणांनी परिसर दणाणला

19 Feb 2026 08:19 AM (IST)

Chhatrapati Shivaji Maharaj Jayanti : मध्यरात्री 12 वाजता छत्रपती शिवाजी महाराजांची महाआरती

जळगावात छत्रपती शिवाजी महाराज यांच्या जयंती निमित्ताने मध्यरात्री 12 वाजता छत्रपती शिवाजी महाराजांची महाआरती करण्यात आली. भाजप आमदार सुरेश भोळे, महापौर दीपमाला काळे, नगरसेवक सुनील खडके यांच्या हस्ते करण्यात आली महाआरती. छत्रपती शिवाजी महाराज यांच्या पुतळ्याजवळ हजारोंच्या संख्येने शिवप्रेमी नागरिक महाआरती करण्यासाठी उपस्थित होते.

19 Feb 2026 08:18 AM (IST)

Chhatrapati Shivaji Maharaj Jayanti : आज आग्र्यातही साजरी होणार शिवजयंती

आज छत्रपती शिवाजी महाराज यांची जयंती आहे. आग्र्या मध्ये ही मोठ्या उत्साहात शिवजयंती साजरी केली जाणार आहे. अजिंक्य देवगिरी प्रतिष्ठानच्या वतीने आग्रा येथे लाल किल्ल्यावर मोठ्या उत्साहात शिवजयंती साजरी केली जाणार आहे. छत्रपती शिवाजी महाराज यांच्या जयंती उत्सवाला राज्याचे मुख्यमंत्री देवेंद्र फडणवीस तसेच उपमुख्यमंत्री एकनाथ शिंदे सायंकाळी सात वाजता आग्रा येथील लाल किल्ल्यावर होणाऱ्या शिवजयंती उत्साहात सहभागी होणार आहेत.