Maharashtra Election News LIVE : अब्दुल सत्तारांच्या पत्नी नफिसा बेगम यांचं निधन

17 Feb 2026 08:36 AM (IST)

राहुल गांधी यांच्या विरोधातील स्वातंत्र्यवीर सावरकर बदनामी प्रकरणाची आज सुनावणी

विरोधी पक्ष नेते राहुल गांधी यांच्या विरोधातील स्वातंत्र्यवीर सावरकर बदनामी प्रकरणाची आज सुनावणी होणार आहे. राहुल गांधी यांनी स्वातंत्र्यवीर सावरकरांची बदनामी केल्याप्रकरणी सावरकरांचे वंशज सत्यकी सावरकर यांनी हा खटला दाखल केला आहे. आजच्या सुनावणीत राहुल गांधी यांच्या वकिलाकडून सरतापास करण्यात येणार आहे. फिर्यादी असलेल्या सात्याकी सावरकर यांच्या वकिलाकडून राहुल गांधींच्या बाजूचा सरतपास यापूर्वी पूर्ण झाला आहे.

17 Feb 2026 08:26 AM (IST)

शनिशिंगणापूर देवस्थान ट्रस्टमधील कर्मचाऱ्यांचे सलग तीन महिन्यांचे पगार थकले

शनिशिंगणापूर देवस्थान ट्रस्टमधील कर्मचाऱ्यांचे सलग तीन महिन्यांचे पगार थकले आहेत. पगार न मिळाल्याने कर्मचाऱ्यांमध्ये नाराजी निर्माण झाली आहे. लवकर पगार न झाल्यास आंदोलनाचा इशारा देण्यात आला. ७ सप्टेंबर २०२५ पासून प्रसादालय बंद आहे. सेवा नियम आणि पगार निश्चितीची तपासणी लेखा अधिकाऱ्यांकडून सुरू असून अडचणी दूर करून लवकरच पगार आणि प्रसादालय सुरू करू अशं प्रशासक अतुल चोरमारे म्हणाले आहेत.

17 Feb 2026 08:17 AM (IST)

पुण्यातील मुंढवा जमीन गैरव्यवहार प्रकरणी अमेडियाला तीन मार्चपर्यंत मुदतवाढ

पुण्यातील मुंढवा जमीन गैरव्यवहार प्रकरणी अमेडियाला तीन मार्चपर्यंत मुदतवाढ देण्यात आली. मुंढव्यातील सरकारी जमीन गैरव्यवहार प्रकरणी अमेडिया कंपनीला 21 कोटी रुपये आणि दंडाची रक्कम वसुलीसाठी दिलेली दोन महिन्यांची मुदत संपुष्टात आली आहे. कागदपत्रांच्या पूर्ततेसाठी आता विभागाने पंधरा दिवसांची मुदत कंपनीला वाढवून दिली आहे. त्यामुळे पुढील सुनावणी तीन मार्चला होणार आहे.

17 Feb 2026 08:16 AM (IST)

तपोवन वृक्षतोड प्रकरणाची मुंबई उच्च न्यायालयात आज महत्त्वाची सुनावणी

नाशिकमधल्या तपोवन वृक्षतोड प्रकरणाची मुंबई उच्च न्यायालयात आज महत्त्वाची सुनावणी होणार आहे. उच्च न्यायालयात दाखल याचिकेवरील अंतरिम अर्जावर महापालिकेला प्रतिज्ञापत्र सादर करण्याचे निर्देश देण्यात आले. नाशिक महापालिका आणि वृक्ष प्राधिकरण विभाग आज उच्च न्यायालयात प्रतिज्ञापत्र सादर करणार का हे बघणं महत्त्वाचं ठरणार आहे. मनसेकडून वकील नितीन पंडित यांनी मुंबई उच्च न्यायालयात याचिका दाखल केली होती. आज मुंबई उच्च न्यायालयाचे न्यायाधीश श्री चंद्रशेखर आणि गौतम अखंड यांच्यासमोर सुनावणी होणार आहे.

17 Feb 2026 08:15 AM (IST)

पंतप्रधान नरेंद्र मोदी यांच्याविरोधात आज पुण्यात आंदोलन

पंतप्रधान नरेंद्र मोदी यांच्याविरोधात आज पुण्यात आंदोलन करण्यात येणार आहे. महाराष्ट्र प्रदेश NSUI कडून पुण्यात मोदींच्या विरोधात आंदोलन करण्यात येणार आहे. एपस्टीन फाईल् मध्ये मोदींचं नाव आल्याचा आरोप करत महाराष्ट्र प्रदेश NSUI आंदोलन करणार आहे.

17 Feb 2026 08:13 AM (IST)

अब्दुल सत्तार यांच्या पत्नी नफिसा बेगम यांचं निधन

शिवसेना शिंदे गटाचे नेते अब्दुल सत्तार यांच्या पत्नी नफिसा बेगम यांचं निधन झालं आहे. नफिसा बेगम यांच्या पार्थिवावर सकाळी 10 वाजता अंत्यसंस्कार पार पडणार आहेत. नफिसा या सिल्लोड नगरपरिषदेच्या माजी नगराध्यक्ष होत्या.