अब्दुल सत्तार यांच्या पत्नी नफिसा बेगम यांचे निधन, आज होणार अंत्यसंस्कार

आमदार अब्दुल सत्तार यांच्या पत्नी नफिसा बेगम यांचे निधन झाले. नफिसा बेगम या अनेक वर्षांपासून सिल्लोडच्या सक्रिय राजकारणात होत्या. मात्र, त्यांचे निधन नेमके कोणत्या कारणाने झाले, याबाबत काही माहिती पुढे येऊ शकली नाही. नफिसा बेगम या सिल्लोड नगरपरिषदेच्या माजी नगराध्यक्ष होत्या. मिळालेल्या माहितीनुसार, नफिसा बेगम यांच्या पार्थिवावर सकाळी 10 वाजता अंत्यसंस्कार होणार आहेत. नफिसा बेगम यांच्या निधनाने कुटुंबियांना अत्यंत मोठा धक्का बसला. नफिसा बेगम यांच्या निधनाने सत्तार कुटुंबात मोठी पोकळी निर्माण झाली. फक्त एका बड्या राजकीय नेत्याची पत्नी म्हणून त्यांनी कधीही काम केले नाही. त्यांनी कायमच आपली वेगळी ओळख निर्माण केली. सिल्लोड नगरपरिषदेचे नगराध्यक्षपद त्यांच्याकडे आल्यानंतर त्यांनी अनेक मोठी निर्णय घेतली. शहराला वेगळी ओळख मिळवून देण्याकरिता विकास कामांवर त्यांनी अधिक भर दिला.

नगराध्यक्षपदाच्या त्यांच्या कार्यकाळात त्यांनी स्थानिक समस्या सोडवण्यावर अधिक भर दिला. जास्तीत जास्त वेळ लोकांच्या समस्या सोडवण्याकरिता त्यांनी दिला. नफिसा बेगम यांच्या पार्थिवावर सिल्लोड येथे अंत्यसंस्कार केले जातील. त्यापूर्वी त्यांचे पार्थिव अंत्यदर्शनासाठी त्यांच्या सिल्लोड येथील निवासस्थानी ठेवले जाईल. छत्रपती संभाजीनगरमध्ये नफिसा बेगम यांच्या निधनाने शोककळा पसरली आहे.

नफिसा बेगम यांच्या पार्थिवावर 17 फेब्रुवारी 2026 रोजी सकाळी 10 वाजता अंत्यसंस्कार केले जातील. आमदार अब्दुल सत्तार यांचे मोठे कुटुंब असून मुले, सुना असा मोठा परिवार त्यांचा आहे. राज्यातील काही बडे नेते देखील सिल्लोडमध्ये जाणार असल्याची माहिती मिळत आहे. निवडणुकीनंतर भाजपा, शिवसेना शिंदे गट आणि अजित पवार गट यांच्यात सत्तास्थापनेसाठी अब्दुल सत्तार यांनी पुढाकार घेतला होता.

अब्दुल सत्तार हे मराठवाड्यातील मोठे नेते आहेत. एकनाथ शिंदे यांच्या मंत्रिमंडळात अब्दुल सत्तार यांना मंत्रिपद मिळाले होते. मात्र, देवेंद्र फडणवीस यांच्या मंत्रिमंडळात अब्दुल सत्तार यांना स्थान मिळू शकले नाही. अब्दुल सत्तार यांच्याऐवजी संजय शिरसाट यांना मंत्रिमंडळात संधी दिली. यादरम्यान अब्दुल सत्तार हे नाराज असल्याचेही सांगितले जात होते.