Kolhapur Bus Accident : शैक्षणिक सहलीच्या बसला अपघात, मुलींचा आक्राेश; कर्नाटक पाेलिस धावले कोल्हापुरातील विद्यार्थ्यांच्या मदतीला

कोल्हापूर येथील एका शेतकी महाविद्यालयातील विद्यार्थ्यांची शैक्षणिक सहल कर्नाटकात गेली हाेती. या विद्यार्थ्यांनी धारवाडच्या कृषी विद्यापीठाला भेट दिल्यानंतर ते राणी चन्नम्मा मिनी प्राणी संग्रहालयाकडे गेले.

तेथून परतीच्या मार्गावर असताना ट्रकची बसला मागून धडक बसली. ही धडक इतकी जाेरदार हाेती की बसमधील 40 विद्यार्थी जखमी झाले. त्यातील 16 जणांना दुखापत झाली. त्यानंतर तातडीने रुग्णालयात उपचारार्थ नेण्यात आले. काकती पोलिसांनी दिलेल्या माहितीनूसार सर्व विद्यार्थी सुखरुप असून जखमींची प्रकृती स्थिर आहे.