Kolhapur Accident : गोव्याहून मुंबईला जाणारी ट्रॅव्हल्स कोल्हापुरात उलटल्याने भीषण अपघात; एकाच कुटुंबातील ३ जणांचा दुर्दैवी मृत्यू

Kolhapur Accident : राज्यात भीषण अपघाताच्या घटनांमध्ये मोठ्या प्रमाणावर वाढ झाली आहे. अशीच एक भीषण अपघाताची घटना कोल्हापूरमधून समोर आली आहे. गोव्याहून मुंबईला जाणारी ट्रॅव्हल कोल्हापूर शहरातील राधानगरी रोड पुईखडी येथे उलटल्याने भीषण अपघात झाला आहे. या बसमध्ये 25 प्रवासी होते. तर या घटनेमध्ये तिघांचा मृत्यू झाला आहे.

अपघातग्रस्त ट्रॅव्हल्स ही व्हीआरएल कंपनीची होती. बसमधून एकूण 25 प्रवासी करत प्रवास करत होते. वळण घेताना बस उलटल्याने हा अपघात झाल्याची माहिती आहे. अपघाताची माहिती मिळताच अग्निशामक विभागाने बचावकार्य करत ट्रॅव्हल्समध्ये अडकलेल्या इतर प्रवाशांची सुटका केली.

Dhangar Reservation : धुळे -सोलापूर महामार्गांवर धनगर समाजाकडून रस्ता रोको; आरक्षणाच्या मागणीसाठी जोरदार घोषणाबाजी

गोव्याहून मुंबईला जाणारी VRL कंपनीची खाजगी स्लीपर कोच बस कोल्हापूर शहरा लगत पुईखडी भागात वळण घेताना बस पलटी झाली. घटनेची माहिती मिळताच कोल्हापूर महानगरपालिका अग्निशमन दलाचे जवान आणि मुख्य अग्निशमन अधिकारी यांनी शोध व बचाव कार्य पार पाडले.

तर 4 प्रवासी बसच्या खाली अडकले होते त्यांना काढण्याचे काम सुरू आहे, अशी माहिती मुख्य अग्निशमन अधिकारी मनीष रणभिसे यांनी दिली आहे. तर या अपघातात ३ जणांचा मृत्यू झाला आहे, तर इतर 16 प्रवासी सुखरूप आहेत.

या भीषण अपघातामध्ये 3 जणांचा दुर्दैवी मृत्यू झाला आहे. नीलू गौतम, (वय 43), रिधिमा गौतम, (वय 17), सार्थक गौतम, पुरुष, वय 13 ( सर्व राहणार पुणे) अशी मृतांची नावे आहेत.