कळवा-ऐरोली एलिव्हेटेड रेल्वे कॉरिडॉरला वेग; अडथळे दूर, अतिक्रमण हटवण्याची कारवाई सुरू!

नवी मुंबईकरांचा प्रवास होणार सुपरफास्ट! कळवा-ऐरोली एलिव्हेटेड रेल्वे कॉरिडॉर प्रकल्पाला गती

ठाणे आणि नवी मुंबईदरम्यानची रेल्वे कनेक्टिव्हिटी अधिक सक्षम आणि वेगवान करण्यासाठी महत्त्वाचा मानला जाणारा 'कळवा-ऐरोली एलिव्हेटेड रेल्वे कॉरिडॉर' प्रकल्प अखेर मार्गी लागण्याची चिन्हे दिसू लागली आहेत. अनेक वर्षांपासून विविध कारणांमुळे रखडलेल्या या महत्त्वाकांक्षी प्रकल्पासाठी आवश्यक असलेल्या जागेवरील अतिक्रमणे हटवण्याची प्रक्रिया प्रशासनाने सुरू केली असून, पहिल्या टप्प्यात सुमारे १५० झोपड्यांवर कारवाई करण्यात आली आहे.

 

प्रकल्पाचे महत्त्व आणि सद्यस्थिती
मुंबई अर्बन ट्रान्सपोर्ट प्रकल्प (MUTP) अंतर्गत मुंबई रेल्वे विकास महामंडळ (MRVC) हा प्रकल्प राबवत आहे. सुमारे ८ किलोमीटर लांबीचा हा एलिव्हेटेड रेल्वे कॉरिडॉर मध्य रेल्वे आणि ट्रान्स-हार्बर मार्ग यांना जोडणार आहे. यामुळे भविष्यात प्रवाशांच्या प्रवासाचा वेळ मोठ्या प्रमाणात वाचणार आहे. मे २०२६ अखेरपर्यंत या प्रकल्पाचे सुमारे ४५ टक्के काम पूर्ण झाले आहे.

 

पुनर्वसन आणि अडथळे
प्रकल्पाच्या दुसऱ्या टप्प्यातील कामासाठी आवश्यक असलेल्या जागेवर मोठ्या प्रमाणात झोपडपट्ट्या असल्याने प्रकल्पाला अपेक्षित गती मिळू शकली नव्हती. एमएमआरडीएने प्रकल्पग्रस्तांच्या पुनर्वसनासाठी ठाण्यातील बाळकूम येथे ८६८ सदनिका उपलब्ध करून दिल्या आहेत. आतापर्यंत ८२ प्रकल्पबाधितांचे पुनर्वसन पूर्ण झाले आहे. सध्या भोला नगरमधील ३५० कुटुंबांचे पुनर्वसन झाले असले, तरी शिवाजी नगर परिसरातील ४३६ कुटुंबांचे पुनर्वसन अद्याप बाकी आहे. हा प्रश्न मार्गी लागताच प्रकल्पाच्या कामाला अधिक गती मिळणार आहे.

 

सविस्तर वाचा, लिंक कमेंट मध्ये  https://punenews24.in/