IT Raid in Akola : अकाेल्यात आंगडिया कार्यालयावर 'आयकर'ची धाड; नांदेडच्या 'त्या' कारवाईचे धागेदोरे?

दरम्यान नांदेडमध्ये असलेल्या संजय भंडारी फायनान्सकडे आयकर विभागाने छापा टाकत मोठी कारवाई केली होती. त्यानंतर आता अकोल्यात आयकर विभागाकडून अकोल्यातल्या कोठडी बाजारातील एका कुरियर सर्व्हिसवर धाडी टाकत तपासणी केली जात असल्याने तसेच आयकर विभागाची दाेन वाहने रस्त्यावर उभी असल्याने बाजारपेठेत चर्चा सुरु आहे.

...तर कारवाई हाेणार

नागपुर आयकर विभागाच्या अधिकाऱ्यांकडून ही तपासणी मोहीम सूरू आहे. दरम्यान आयकर विभागाच्या दरवर्षी तपासणी मोहीम सुरू असते, मागीलवर्षी देखील काही उद्योजक, व्यापारी तसेच कोचिंग क्लासेसवर देखील तपासणी केली होती. तपासणी मोहीम नंतर काही त्रुटी आढळल्या तर त्यांच्यावर कारवाया केल्या जातात.

आजच्या आंगडीया कुरियर सर्व्हिसवर तपासणी सुरू असून काही त्रुटया आढल्यास पुढील कारवाई होण्याची शक्यता आहे. मात्र तोपर्यत बारकाईने ही कुरियर सर्व्हिसवर बंददाराड़ ही तपासणी सुरू आहे.