बापरे! हवेतच दोन हेलिकॉप्टरची भीषण धडक; अपघातात ६ जणांचा मृत्यू, अंगाचा थरकाप उडवणारा व्हिडिओ समोर!

ब्राझीलमध्ये मोठा विमान अपघात: दोन हेलिकॉप्टरची हवेतच टक्कर; ६ जणांचा मृत्यू

ब्राझीलमधील रिओ डी जनेरियोच्या पश्चिम भागात एक अत्यंत धक्कादायक आणि भीषण अपघाताची घटना समोर आली आहे. आकाशात दोन हेलिकॉप्टर्सची एकमेकांशी जोरदार धडक झाल्याने हा भीषण अपघात घडला. या अपघातात ६ जणांचा दुर्दैवी मृत्यू झाला आहे.

 

 

नेमकं काय घडलं?  मिळालेल्या माहितीनुसार, हा अपघात १५ जून रोजी सकाळी साधारणपणे ८:५९ वाजता घडला. अपघातग्रस्त झालेली हेलिकॉप्टर्स 'एअरबस H125' (Airbus H125) आणि 'बेल 206B जेटरेंजर' (Bell 206B JetRanger) कंपनीची होती. हवेत धडक झाल्यानंतर ही हेलिकॉप्टर्स खाली कोसळली. यातील एक हेलिकॉप्टर जवळच असलेल्या एका कार शोरूमवर कोसळले. तिथे अनेक इलेक्ट्रिक वाहने उभी असल्याने हेलिकॉप्टर कोसळल्यानंतर तिथे भीषण आग लागली, ज्यामुळे परिस्थिती अधिक गंभीर झाली.

 

अग्निशमन दलाकडून बचावकार्य
अपघाताची माहिती मिळताच रिओ डी जनेरियोच्या लष्करी अग्निशमन दलाने तातडीने घटनास्थळी धाव घेतली. हेलिकॉप्टर्स कोसळल्यानंतर लागलेली आग आटोक्यात आणण्यासाठी शर्थीचे प्रयत्न करण्यात आले. या भीषण दुर्घटनेत ६ जणांचा मृत्यू झाल्याची अधिकृत माहिती समोर आली आहे. या धडकेचे नेमके कारण काय होते आणि ही हेलिकॉप्टर्स अशा प्रकारे एकमेकांच्या जवळ कशी आली, याचा सखोल तपास आता संबंधित अधिकारी करत आहेत. या अपघाताचा एक व्हिडिओ सध्या सोशल मीडियावर व्हायरल होत असून, तो पाहणाऱ्यांच्या अंगाचा थरकाप उडवत आहे.

 

सविस्तर वाचा, लिंक कमेंट मध्ये    https://punenews24.in/