अखेर अभिमन्यूने भेदले 'एमपीएससी'चे चक्रव्यूह! वडिलांच्या अस्थींचे विसर्जन बाजूला ठेवून दिली परीक्षा; ९ वेळच्या अपयशानंतर मिळवले ऐतिहासिक यश

नांदेड: वडिलांच्या निधनाच्या दु:खातूनही मनोधैर्य न ढळू देता सलग नऊ अपयशांवर मात; अभिमन्यू कोरेवार यांची महसूल सहाय्यक पदावर निवड, ग्रामीण तरुणांसाठी प्रेरणादायी आदर्श

 

पोलीस खात्यात कार्यरत असलेल्या वडिलांना पॅरालिसिसचा आजार जडल्याने ते अंथरुणाला खिळले होते. आपल्या वडिलांचे खाकी वर्दीचे आणि मुलाने अधिकारी व्हावे हे स्वप्न पूर्ण करण्यासाठी वन्नाळी येथील अभिमन्यू अर्जुन कोरेवार यांनी स्पर्धा परीक्षेत यश मिळवायचेच, असा दृढ निश्चय केला होता. मात्र, सुरुवातीला तब्बल नऊ वेळा त्यांना यशाने हुलकावणी दिली. काही परीक्षांमध्ये अगदी जवळ पोहोचूनही त्यांची संधी हुकली होती.

या कठीण संघर्ष काळातच, अंथरुणात खिळलेल्या त्यांच्या वडिलांचे ३० मे रोजी निधन झाले. वडिलांच्या निधनामुळे संपूर्ण कुटुंब दुःखात बुडाले असतानाच, अवघ्या दोन दिवसांनी म्हणजेच २ जून रोजी अभिमन्यू यांची एमपीएससीची (MPSC) लेखी परीक्षा होती. अशा अत्यंत कठीण प्रसंगी कुटुंबावर कोसळलेले दुःखाचे डोंगर आणि वडिलांच्या अस्थी विसर्जनाचे विधी बाजूला ठेवून अभिमन्यू यांनी परीक्षेला जाण्याचा अत्यंत धाडसी निर्णय घेतला. एक दिवसाचा खडतर प्रवास करून त्यांनी परीक्षा दिली.

 

अखेर त्यांच्या या असीम संयम, त्याग आणि कष्टाचे चीज झाले आहे. महाराष्ट्र लोकसेवा आयोगाच्या परीक्षेत उत्तीर्ण होऊन अभिमन्यू कोरेवार यांची 'महसूल सहाय्यक' (Revenue Assistant) पदावर निवड झाली आहे. सलग नऊ वेळा आलेल्या अपयशावर आणि वडिलांच्या निधनाच्या प्रचंड दुःखावर मात करत मिळवलेले हे यश ग्रामीण भागातील हजारो विद्यार्थ्यांसाठी अत्यंत प्रेरणादायी ठरत आहे.

 

सविस्तर वाचा, लिंक कमेंट मध्ये https://punenews24.in/