न्यूयॉर्क हादरलं! प्रसिद्ध 'टाईम्स स्क्वेअर'वर भीषण गोळीबार; गोळीबाराच्या आवाजाने नागरिकांची पळापळ, थरारक व्हिडिओ व्हायरल

न्यूयॉर्क: अमेरिकेतील प्रसिद्ध टाईम्स स्क्वेअरवर गोळीबार, व्हिडिओ समोर; गोळीबाराच्या आवाजाने नागरिकांमध्ये घबराट, पळापळ  अमेरिकेतील (USA) सर्वात गजबजलेले आणि प्रसिद्ध पर्यटन स्थळ असलेल्या न्यूयॉर्क शहरांमधील 'टाईम्स स्क्वेअर' (Times Square) परिसर अचानक झालेल्या गोळीबाराने हादरला आहे. टाईम्स स्क्वेअरवर अचानक काही अज्ञात व्यक्तींकडून गोळीबार करण्यात आला, ज्यामुळे परिसरात प्रचंड खळबळ उडाली. या घटनेचा एक थरारक व्हिडिओ देखील सोशल मीडियावर मोठ्या प्रमाणावर व्हायरल झाला आहे.

 

मिळालेल्या माहितीनुसार, नेहमीप्रमाणे पर्यटकांची आणि स्थानिक नागरिकांची या परिसरात मोठी गर्दी होती. अचानक झालेल्या गोळीबाराच्या आवाजामुळे नागरिक आणि पर्यटकांमध्ये प्रचंड भीतीचे वातावरण निर्माण झाले. स्वतःचा जीव वाचवण्यासाठी लोकांनी सुरक्षित ठिकाणी धाव घेतली, ज्यामुळे तिथे चेंगराचेंगरी सदृश परिस्थिती निर्माण झाली होती.

पोलीस प्रशासनाकडून तपास सुरू घटनेची माहिती मिळताच न्यूयॉर्क पोलीस विभागाचे (NYPD) पथक तातडीने घटनास्थळी दाखल झाले. पोलिसांनी संपूर्ण परिसराला वेढा घातला असून सुरक्षा व्यवस्था कडक केली आहे. प्राथमिक माहितीनुसार, या गोळीबारात काही लोक जखमी झाल्याची शक्यता वर्तवली जात आहे. पोलिसांनी संशयित आरोपींचा शोध सुरू केला असून, हा गोळीबार नेमका कोणत्या कारणाने झाला, याचा तपास पोलीस अधिकारी करत आहेत. या घटनेमुळे अमेरिकेतील सार्वजनिक ठिकाणांच्या सुरक्षेचा प्रश्न पुन्हा एकदा ऐरणीवर आला आहे.

 

सविस्तर वाचा, लिंक कमेंट मध्ये https://punenews24.in/