Dharashiva : राजकारणात मोठी उलथापालथ! ठाकरे गटाला जोरदार धक्का; बड्या नेत्याची भाजपमध्ये एन्ट्री, राज्यातील राजकीय घडामोडींना वेग

Dharashiva : धाराशिवमध्ये ठाकरे गटाला मोठा धक्का बसला आहे. पंचायत समितीचे माजी उपसभापतींनी भाजपमध्ये प्रवेश केला आहे. माजी उपासभापतीच्या भाजप प्रवेशाने ठाकरे गटाला मोठा धक्का बसलाय. या पक्षप्रवेशामुळे धाराशिवमध्ये जिल्हा परिषद निवडणुकीआधी राजकीय हालचालींना वेग आला आहे.

खासदार ओमराजे निंबाळकर आणि आमदार कैलास पाटील यांचे विश्वासू धाराशिव पंचायत समितीचे माजी उपसभापती श्याम जाधव यांनी आमदार राणाजगजीतसिंह पाटील यांच्या मार्गदर्शनाखाली भारतीय जनता पार्टीत प्रवेश केलाय.

या प्रवेशामुळे धाराशिव तालुक्यातील जिल्हा परिषद, पंचायत समितीचे राजकीय समीकरण बदलण्याची चिन्हे दिसू लागली आहेत. आगामी जिल्हा परिषद आणि पंचायत समिती निवडणुकांच्या पार्श्वभूमीवर हा प्रवेश महत्त्वाचा मानला जात आहे. ठाकरे शिवसेनेचे खासदार ओमराजे निंबाळकर आणि आमदार कैलास पाटील यांना हा मोठा धक्का असल्याचे बोलले जात आहे.

Palghar : समुद्रात पाण्याच्या प्रवाहाचे रहस्यमय वर्तुळ! ज्वालामुखीच्या हालचालींची भीती? मच्छिमारांमध्ये प्रचंड चिंता

छत्रपती संभाजीनगरमध्येही ठाकरेंना मोठा धक्का
छत्रपती संभाजीनगर जिल्ह्यातील शिवसेना ठाकरे गटाचे उपजिल्हाप्रमुख दत्तात्रय गोर्डे यांनी पुन्हा एकदा भारतीय जनता पक्षात प्रवेश करण्याचा निर्णय घेतला आहे. आज दुपारी १ वाजता छत्रपती संभाजीनगर येथे हा पक्षप्रवेशाचा सोहळा पार पडणार आहे. या सोहळ्यासाठी गोर्डे यांचे हजारो समर्थक उपस्थित राहण्याची शक्यता आहे.

या निर्णयामुळे जिल्ह्याच्या राजकीय वर्तुळात मोठी खळबळ उडाली आहे. विशेष म्हणजे शिंदेसेनेचे नेते संदिपान भुमरेंचे कट्टर विरोधक म्हणून दत्ता गोर्डे यांच्याकडे पाहिले जाते. त्यामुळे त्यांना भाजपमध्ये घेऊन भाजपकडून एकप्रकारे भुमरेंची कोंडी केली जात असल्याची देखील चर्चा आहे.