Chandrayaan-3 : 'मी चंद्रावर सुखरूप पोहोचलो आणि तुम्ही पण!' चंद्रावर पोहोचताच चांद्रयान-3 चा इस्रोसाठी खास मेसेज

चांद्रयान-३ ने चंद्राच्या पृष्ठभागावर यशस्वी लँडिंग करणारा भारत हा जगातील चौथा देश ठरला आहे, आता सर्वांच्या नजरा प्रज्ञान रोव्हरवर आहेत. प्रज्ञान रोव्हर आता चंद्राच्या पृष्ठभागावर उतरण्यासाठी सज्ज आहे. प्रज्ञान चंद्राच्या पृष्ठभागावर उतरणार आहे आणि अनेक प्रकारचे डेटा करेक्शन करणार आहे.

इस्रोच्या म्हणण्यानुसार, विक्रम लँडरसह चंद्रावर गेलेले प्रज्ञान रोव्हर १४ दिवसात आपले काम पूर्ण करेल. प्रज्ञान ताबडतोब कामाला सुरुवात करेल आणि १४ दिवस सतत काम करेल असे सांगण्यात येत आहे.

रोव्हर प्रज्ञान आपला सर्व डेटा विक्रम लँडरला देईल आणि तेथून डेटा थेट इस्रो एजन्सीकडे ट्रान्सफर केला जाईल. चंद्राचा एक दिवस पृथ्वीच्या 14 दिवसांच्या बरोबरीचा असतो, यानुसार प्रज्ञान केवळ एका चंद्र दिवसासाठी म्हणजेच 14 दिवसांसाठी सक्रिय राहील. चंद्राच्या दक्षिण ध्रुवावर उतरल्यामुळे ते पुन्हा चार्ज होण्याची शक्यता कमी आहे. इस्रोच्या शास्त्रज्ञांना मात्र खात्री आहे की, प्रज्ञान आणि विक्रम अतिरिक्त चांद्र दिवस टिकू शकतात. जिथे त्यांना सौरऊर्जेने स्वतःला चार्ज करण्यास मदत होईल.