Badlapur : महिला पत्रकारावर हल्ला, बदलापूरमधील घटनेने खळबळ; भरदिवसा कार अडवली, काचा फोडल्या

मयुरेश कडव, बदलापूर

सोशल मीडिया पत्रकार श्रद्धा ठोंबरेवर हल्ला झालाय. तिच्या गाडीची तोडफोड करण्यात आलीय. महत्वाचं म्हणजे पोलीस स्टेशनबाहेरच हा प्रकार घडलाय. भाजपचे स्विकृत नगरसेवक प्रवीण राऊत यांच्या सांगण्यावरून त्यांच्या महिला कार्यकत्यांनी हा हल्ला केल्याचा आरोप श्रद्धा ठोंबरेने केलाय. श्रद्धा ठोंबरेने एका निनावी पत्रावरून काल सोशल मीडियात लाईव्ह केलं होतं. त्याचा राग मनात धरून आपल्यावर हल्ला केल्याचा आरोप श्रद्धा ठोंबरेने केलाय.