Akkalkuwa Accident : मालवाहू गाडी नदीत कोसळली; दोघांचा जागीच मृत्यू, तीन गंभीर

Akkalkuwa Accident : मालवाहू गाडी चालकाचे गाडीवरील नियंत्रण सुटल्याने ही गाडी थेट नदीत कोसळल्याची घटना  अक्कलकुवा तालुक्यातील गमनचा उमरपाडा येथे घडली. या अपघातात दोन जणांचा जागीच मृत्यू झाला आहे. तर तीन जण जखमी झाले आहेत. जखमींवर रुग्णालयात उपचार सुरू आहेत. 

नाशिकयेथील कैलास सुरेश पाटील हे गाडीवर मजूर घेऊन अक्कलकुवा तालुक्यातील पिंपळखुटा येथे जात होते. पिंपळखुटा ते गमनचा उमरपाडा रस्त्यावर गाडी भरधाव वेगात गाडी असल्याने चालक कैलास पाटील याचे नियंत्रण सुटले. यामुळे गाडी थेट देवनदीच्या खाडीत पडली. यात राजू ओंकार बारेला (वय ३०, रा. कर्जाना, ता. चोपडा, जि. जळगाव) व पोपट दत्तू सोनवणे (वय ४०, रा. नाशिक) या दोघांचा जागीच मृत्यू झाला. 

Maharashtra Unseasonal Rain : पुण्यासह ८ जिल्ह्यात विजांच्या कडकडाटासह पडणार पाऊस, हवामान खात्याचा इशारा

चालक कैलास पाटील (रा. नाशिक) याच्यासह ज्ञानेश्‍वर उत्तम वाघ (रा. कुंजर, ता. चाळीसगाव), सुनील बड्या पावरा (रा. खर्डी खुर्देचा पाटीलपाडा, ता. धडगाव) हे तिघे गंभीर जखमी झाले. घटना घडताच नागरिकांनी धाव घेत मदतीला सुरवात केली. तसेच मोलगी पोलिसांना याबाबत माहिती देण्यात आली. त्यानुसार पोलिसांनी घटनेचा पंचनामा केला. जखमींना तत्काळ उपचारासाठी अक्कलकुवा येथे पाठविले. त्यांच्यावर उपचार सुरू आहेत. चालक कैलास पाटील याच्याविरुद्ध गुन्हा दाखल झाला आहे.