Akkalkot To Trimbakeshwar : आनंदाची बातमी! अक्कलकोट ते त्र्यंबकेश्वर फक्त ४ तासांत, नव्या महामार्गामुळे प्रवास होणार सुसाट

Akkalkot To Trimbakeshwar : अक्कलकोटवरून त्र्यंबकेश्वरला आणि त्र्यंबकेश्वरवरून अक्कलकोटला जाणं आता अधिक सोपं आणि वेगवान होणार आहे. कारण अक्कलकोट ते त्र्यंबकेश्वर हा प्रवास फक्त ४ तासांचा होणार आहे. राज्यात आणखी एक नवा महामार्ग तयार होणार आहे. या महामार्गामुळे अनेक शहरं जवळ येणार आहेत. चेन्नई ते सूरत द्रुतगती महामार्ग प्रकल्पातील रखडलेल्या नाशिक ते अक्कलकोट या महामार्गाचा तिढा सुटला आहे. आता बीटीओ तत्वावर हा महामार्ग बांधण्यात येणार आहे.

हा महामार्ग तयार झाल्यानंतर अक्कलकोट ते नाशिकमधील त्र्यंबकेश्वर हा प्रवास काही तासांचाच होणार आहे. हा ३७४ किलोमीटरचा प्रवास तुम्हाला फक्त ४ तासांमध्ये पूर्ण करता येणार आहे. महत्वाचे म्हणजे अक्कलकोट ते नाशिक हा प्रवास करण्यासाठी सध्या ९ तासांचा कालावधी लागतो जो निम्म्यापेक्षा कमी होणार आहे. फक्त ४ तासांत तुम्हाला त्र्यंबकेश्वर गाठता येणार आहे. त्र्यंबकेश्वर (नाशिक) ते अक्कलकोट हा महामार्ग २ टप्प्यामध्ये तयार करण्यात येणार आहे. पहिला टप्पा नाशिक ते अहिल्यानगर १५२ किमीचा असणार आहे. तर दुसरा टप्पा अहिल्यानगर ते अक्कलकोट हा २२२ किमीचा असणार आहे.

Maharashtra Politics : 'शिंदेसाहेब, तुमचं संपर्कप्रमुखपद तुमच्याकडेच ठेवा', शिवसेना नेत्याने राजीनामा देत उपमुख्यमंत्र्यांना सुनावले खडेबोल

एनएचएआय या कंपनीने १,२७१ किलो मीटर लांबीचा चेन्नई ते सूरत या द्रुतगती महामार्गाचे काम हाती घेतले आहे. चेन्नई ते सूरत या महामार्गामुळे अनेक शहरं आणि राज्य जवळ येणार आहेत. हा महामार्ग गुजरात, महाराष्ट्र, तेलंगणा, कर्नाटक, आंध्र प्रदेश आणि तामिळनाडू या ६ राज्यांमधून जाणार आहे. तसंच, या महामार्गामुळे सूरत, नाशिक, अहिल्यानगर, सोलापूर, कुलबुर्गी, कुरनूल, कडप्पा आणि तिरुपती ही प्रमुख शहरं जोडली जाणार आहेत. हा महामार्ग तयार झाल्यानंतर नागरिकांना अगदी कमी तासांत वेगवान प्रवास करता येणार आहे.

चेन्नई -सूरत हा द्रुतगती महामार्ग सूरत ते सोलापूर आणि सोलापूर ते चेन्नई या दोन टप्प्यामध्ये तयार केला जाणार आहे. या दोन टप्प्यात आणखी काही टप्पे आहेत. यामधील पहिला टप्पा नाशिक- अक्कलकोट हा ३७४ किमी लांबीचा आणि सहा मार्गिकेचा महामार्ग असणार आहे. हा महामार्ग एनएचएआय कंपनी बांधणार आहे.आता या महामार्गाचे काम बीओटी तत्वावर करण्यात येणार आहे.