नांदेड: सक्षम ताटेच्या मृतदेहाशी लग्न करणारी आंचल सासर सोडून निघून गेली; ताटे कुटुंब पूर्णपणे उद्ध्वस्त

नेमकी घटना काय? नोव्हेंबर २०२५ मध्ये नांदेडच्या इतवारा परिसरात सक्षम ताटे या तरुणाची त्याची प्रेयसी आंचल मामिडवार हिच्या वडील आणि भावाने गोळ्या झाडून आणि दगडाने ठेचून निर्घृण हत्या केली होती. हे आंतरजातीय प्रेमप्रकरण असल्यामुळे आंचलच्या कुटुंबीयांचा या नात्याला तीव्र विरोध होता.
आंचलने घेतली होती आयुष्यभराची शपथ: सक्षमच्या हत्येनंतर आंचलने अंत्यसंस्कारापूर्वी त्याच्या मृतदेहाशी विवाहाचे विधी पार पाडले होते. तिने स्वतःच्या कपाळावर कुंकू लावून सक्षमच्या कुटुंबाला "सक्षमच्या जागी मी तुमचा मुलगा म्हणून राहीन," असे वचन दिले होते.

तिने आयुष्यभर त्याच्या आठवणीत सासरीच राहण्याचा निर्धार व्यक्त केला होता. आता काय घडले?सक्षमची आई संगीता ताटे यांनी दिलेल्या माहितीनुसार, आंचल काही महिने त्यांच्यासोबत राहिली, परंतु तीन महिन्यांपूर्वी ती "आजीची तब्येत खराब आहे" असे सांगून घरून बाहेर पडली आणि त्यानंतर ती पुन्हा परतलीच नाही.
आंचलने घर सोडल्यामुळे सक्षमची आई आता पूर्णपणे एकटी पडली आहे.

 

ताटे कुटुंबावर दुःखाचा डोंगर:सक्षमच्या निधनाचा धक्का सहन करत असतानाच, सक्षमच्या वडिलांची प्रकृतीही खालावली होती. तीन महिन्यांपूर्वी हृदयविकाराच्या किंवा उच्च रक्तदाबाच्या त्रासामुळे त्यांचेही निधन झाले. मुलाच्या आणि पतीच्या मृत्यूनंतर आता संगीता ताटे या घरात एकट्याच उरल्या असून, त्यांनी आपल्या
मुलाच्या मारेकऱ्यांना कठोर शिक्षा व्हावी, अशी मागणी पुन्हा एकदा केली आहे.