16 वर्षांपूर्वीचा अक्षय कुमारचा चित्रपट, ज्याची कथा ठरली सुपरहिट, कमाईने रचला होता इतिहास

Akshay Kumar : बॉलिवूडचा सुपरस्टार अक्षय कुमार 1991 पासून हिंदी चित्रपटसृष्टीत सक्रिय आहे. मुख्य अभिनेता म्हणून 1991 मध्ये पदार्पण करणाऱ्या अक्षयचा करिष्मा आजही कायम असून 58व्या वर्षीही तो बॉक्स ऑफिसवर तितकाच दमदार ठरत आहे. अॅक्शन, कॉमेडी, रोमँटिक, देशभक्तीपर अशा विविध धाटणीच्या चित्रपटांत काम करत त्याने चाहत्यांच्या मनात खास स्थान निर्माण केले आहे. बॉलिवूडसोबतच त्याने साऊथ सिनेमातही काम केले असून एका हिंदी चित्रपटात त्याच्यासोबत साऊथची लोकप्रिय अभिनेत्री झळकली होती.

अक्षय कुमारचा 1 मे 2015 रोजी प्रदर्शित झालेला ‘Gabbar is Back’ हा चित्रपट प्रेक्षकांच्या पसंतीस उतरला होता. या चित्रपटाचे दिग्दर्शन कृष – राधा कृष्णा जगरलामुडी यांनी केले होते. भ्रष्टाचाराविरोधात लढणाऱ्या एका ठाम आणि आक्रमक व्यक्तीरेखेत अक्षय कुमार या चित्रपटात दिसला होता. त्याची ही भूमिका प्रेक्षकांना विशेष भावली.

या चित्रपटात अक्षयसोबत साऊथची प्रसिद्ध अभिनेत्री श्रुती हासन मुख्य भूमिकेत झळकली होती. विशेष म्हणजे अक्षय आणि श्रुती यांच्यात जवळपास 18 वर्षांचे वयाचे अंतर आहे. तरीही दोघांची जोडी प्रेक्षकांनी आवडली. हा दोघांचा एकत्रित पहिलाच चित्रपट होता आणि त्यानंतर ते पुन्हा एकत्र दिसलेले नाहीत.

करीना कपूरचा खास कॅमिओ

चित्रपटात बॉलिवूड अभिनेत्री करिना कपूर हिने विशेष कॅमिओ भूमिका साकारली होती. अक्षय आणि करिनावर चित्रित झालेले ‘तेरी मेरी कहानी’ हे गाणेही त्या काळात लोकप्रिय झाले होते. ‘गब्बर इज बैक’ हा 2002 मध्ये प्रदर्शित झालेल्या तमिळ चित्रपट Ramanaa चा हिंदी रीमेक होता. सामाजिक आशय, भ्रष्टाचाराविरोधातील लढा आणि दमदार अॅक्शन यामुळे चित्रपटाने बॉक्स ऑफिसवर यश मिळवले.

सुमारे 65 कोटी रुपयांच्या बजेटमध्ये तयार झालेल्या या चित्रपटाने जागतिक स्तरावर तब्बल 136 कोटी रुपयांची कमाई केली होती. IMDb वर या चित्रपटाला 10 पैकी 7.8 अशी चांगली रेटिंग मिळाली आहे. ‘गब्बर इज बैक’ हा अक्षय कुमारच्या कारकिर्दीतील महत्त्वाचा चित्रपट ठरला. 35 वर्षांच्या कारकिर्दीनंतरही अक्षयचा प्रभाव कायम असल्याचे या चित्रपटाच्या यशातून स्पष्ट होते.