नागपूर – प्राध्यापकाची विद्यार्थीनीकडे शरीर सुखाची मागणी, परीक्षेत उत्तीर्ण करण्याचं अमिष

नागपूर – जिल्ह्यात अत्यंत धक्कदायक घटना उघडकीस आली आहे. प्राध्यापकाने विद्यार्थीनीला परिक्षेत उत्तीर्ण करतो असे अमिष दाखवून शरीर सुखाची मागणी केली आहे. नागपूर मधील सिंद्धू महाविद्यालयात ही घटना घडली आहे. दरम्यान या घटनेमुळे महाविद्यालयात एकच खळबळ उडाली आहे. या सगळ्या प्रकारामुळे पीडितेला मोठा मानसिक धक्का बसला आहे.

या घटनेनंतर संबंधित विद्यार्थींनीने आपल्या मित्र मैत्रीणींसह पाचपावली पोलीस स्टेशन गाठले आणि पोलिसांना संपूर्ण घटना सांगितली त्यानंतर हा संपूर्ण प्रकार उघडकीस आला आहे. राकेश गेडाम असे या प्राध्यापकाचे नाव असून त्याच्यावर विनयभंगाचा गुन्हा दाखल करण्यात आला आहे.

राज्यात आतापर्यंत असे अनेक प्रकरणे उघडकीस आले आहेत. प्राध्यापकाने विद्यार्थीनीकडे शरीर सुखाची मागणी केल्याने तिने थेट पाचपावली स्टेशन गाठले आणि त्यामुळे हे प्रकरण समोर आले. या प्रकरणाचा पुढील तपास पोलिसांकडून करण्यात येत आहे.