खासगी कंपनीतील बड्या अधिकाऱ्याचा संशयास्पद मृत्यू; हत्या की आत्महत्या? व्यावसायिकांमध्ये खळबळ

संजय गडदे, साम टीव्ही

मुंबईतून खळबळजनक माहिती समोर आली आहे. सॅमको म्युच्युअल फंडचे ३९ वर्षीय प्रमुख बिझनेस ऑफीसर पंकीत शाह यांचा संशयास्पद मृत्यू झाल्याची घटना घडली आहे. पंकीत हे मुंबईच्या अंधेरी पूर्वेतील चड्डा प्रीमायसेस, हबटाउन सोलारस इमारतीच्या चौथ्या मजल्यावरून पडल्याची माहिती मिळाली आहे. या घटनेनंतर त्यांना जखमी अवस्थेत कूपर रुग्णालयात दाखल केले. परंतु रुग्णालयातील डॉक्टरांनी पंकीत शाह यांना मृत घोषित केले. त्यांच्या मृत्यूनंतर हत्या की आत्महत्या, अशी व्यावसायिकांमध्ये सुरू झाली आहे.