वारीच्या भक्तिरंगात रंगली रिंकू राजगुरू; 'बाप विठुराया' गाण्यातून प्रेक्षकांच्या भेटीला एक नवा आणि भावूक अंदाज!

यंदाच्या आषाढी वारीनिमित्त अभिनेत्री रिंकू राजगुरू एका खास भक्तिमय प्रोजेक्टमधून प्रेक्षकांच्या भेटीला येत आहे. काही दिवसांपूर्वी वारीतील तिचे फोटो सोशल मीडियावर व्हायरल झाल्यानंतर ती नेमक्या कोणत्या नव्या उपक्रमात दिसणार, याबाबत चाहत्यांमध्ये उत्सुकता निर्माण झाली होती.

आता त्या चर्चांना पूर्णविराम मिळाला असून, सारेगम मराठीच्या वारी विशेष गीतात रिंकूचा वेगळाच भक्तिरसात रंगलेला अवतार पाहायला मिळणार आहे. या गाण्याची झलक प्रदर्शित होताच सोशल मीडियावर त्याला उत्स्फूर्त
प्रतिसाद मिळाला.

 

'बाप विठुराया' असे या नव्या गीताचे नाव असून, सुप्रसिद्ध गायक अजय गोगावले यांच्या दमदार आणि भावस्पर्शी आवाजाने हे गीत अधिक उठावदार झाले आहे. त्यांच्या सुरेल गायकीतून साकारलेली विठ्ठलभक्ती आणि रिंकूचा साधा, सात्विक अंदाज यामुळे हे गीत वारीच्या वातावरणात आणखी रंग भरताना दिसणार आहे.