कोल्हापूर: कोल्हापूर-पुण्याला ३ हजार कोटींची भेट; अमित शहा यांची इचलकरंजीत मोठी घोषणा!

कोल्हापूर: सहकार क्षेत्राला नवी संजीवनी कोल्हापूर आणि पुण्यात ३,००० कोटींचे प्रकल्प उभारणार – अमित शहाइचलकरंजी येथे आयोजित महायुतीच्या जाहीर सभेत केंद्रीय गृह आणि सहकार मंत्री अमित शहा यांनी महाराष्ट्रातील सहकारी साखर उद्योगाला बळ देण्यासाठी तब्बल ३,००० कोटी रुपयांच्या दोन भव्य प्रकल्पांची घोषणा केली आहे. कोल्हापूर आणि पुणे येथे प्रत्येकी १,५०० कोटी रुपयांचे दोन प्रकल्प उभारले जाणार आहेत.

प्रकल्पांची वैशिष्ट्ये:कोल्हापूर प्रकल्प (१,५०० कोटी): कोल्हापूर जिल्ह्यात एक अत्याधुनिक सहकारी संयंत्र (Processing Plant) उभारला जाईल.अनेक साखर कारखाने स्वतंत्रपणे इथेनॉल, सीबीजी (CBG), सायट्रिक ॲसिड आणि इतर उप-उत्पादने तयार करू शकत नाहीत. या सामायिक प्रकल्पात सर्व सहकारी साखर कारखान्यांची उप-उत्पादने एकत्र करून त्यावर प्रक्रिया केली जाईल आणि त्यातून मिळणारा नफा पुन्हा संबंधित कारखान्यांना दिला जाईल.

 

पुणे प्रकल्प (१,५०० कोटी): पुण्यातील बंद पडलेला 'नॅशनल हेवी इंजिनिअरिंग' (National Heavy Engineering Cooperative) प्रकल्प पुन्हा सुरू करण्यासाठी केंद्र सरकार १,५०० कोटी रुपयांची गुंतवणूक करणार आहे. यातून साखर, डेअरी आणि इथेनॉल उद्योगासाठी आवश्यकअसणारी यंत्रसामग्री तयार केली जाईल, ज्यामुळे जागतिक दर्जाची यंत्रसामग्री भारतातच उपलब्ध होईल. यावेळी अमित शहा यांनी केंद्र सरकारने साखर उद्योगाला स्थैर्य देण्यासाठी घेतलेल्या निर्णयांचा आढावा घेतला.

यामध्ये साखर कारखान्यांसाठी ४६,००० कोटी रुपयांची प्राप्तिकर सवलत, १०,००० कोटींहून अधिक रकमेची कर्ज उपलब्धता आणि इथेनॉल मिश्रणाचे वाढलेले उद्दिष्ट यांचा उल्लेख केला. या सभेत मुख्यमंत्री देवेंद्र फडणवीस आणि उपमुख्यमंत्री उपस्थित होते.