अंबरनाथ: डॉक्टर पतीची सीसीटीव्हीतून पत्नीवर पाळत; हुंड्यासाठी छळ आणि मारहाणीला कंटाळून नवविवाहितेची आत्महत्या.

नेमके काय घडले? विशाखाच्या कुटुंबीयांनी आरोप केला आहे की, लग्नानंतर काही दिवसांतच सासरच्या मंडळींनी हुंड्यासाठी तिचा मानसिक आणि शारीरिक छळ सुरू केला होता. लग्नात मिळालेल्या भेटवस्तूंवर ते समाधानी नव्हते आणि त्यांनी ५० ग्रॅम सोने व रोख रकमेची मागणी केली होती.

सर्वात धक्कादायक बाब म्हणजे, पती डॉ. नितीन तिळकर याने पत्नीच्या प्रत्येक हालचालीवर लक्ष ठेवण्यासाठी घराच्या आत आणि बाहेर सीसीटीव्ही कॅमेरे बसवले होते. विशाखाला कोणाशीही बोलण्यास.

 

विशेषतः शेजाऱ्यांशी संवाद साधण्यास सक्त मनाई होती. मृत्यूच्या दोन दिवस आधी, शेजारच्या एका महिलेशी बोलल्याच्या कारणावरून पतीने तिला मारहाण केली होती. या छळाला कंटाळून तिने आपली जीवनयात्रा संपवली.

पोलीस कारवाई: विशाखाच्या कुटुंबीयांच्या तक्रारीवरून शिवाजीनगर पोलिसांनी तिचा पती डॉ. नितीन तिळकर, सासू छाया तिळकर आणि दीर
निनाद तिळकर यांच्याविरुद्ध हुंडाबळी, शारीरिक छळ आणि आत्महत्येस प्रवृत्त केल्याचा गुन्हा दाखल केला आहे. या तिघांनाही बुधवारी पोलिसांनी अटक केली आहे.