पुणे: विद्यार्थ्यांच्या आरोग्याशी खेळणाऱ्या पुणे विद्यापीठाच्या मेसचा परवाना तुकाराम मुंढेंनी केला रद्द!

 

पुणे: सावित्रीबाई फुले पुणे विद्यापीठाच्या परिसरातील मध्यवर्ती भोजनगृह (रेफेक्टरी) चालविणाऱ्या 'मे. श्री स्वामी समर्थ भोजनालय अँड केटरिंग सर्व्हिसेस'चा अन्न परवाना अन्न व औषध प्रशासनाने (FDA) निलंबित केला आहे. एफडीएचे आयुक्त तुकाराम मुंढे यांच्या आदेशानंतर ही कारवाई करण्यात आली असून, पुढील आदेशापर्यंत ही मेस तात्काळ बंद करण्यात आली आहे.

विद्यार्थ्यांच्या तक्रारी: विद्यापीठातील विद्यार्थ्यांना निकृष्ट दर्जाचे आणि आरोग्यास घातक अन्न दिले जात असल्याच्या तक्रारी विद्यार्थ्यांनी सोशल मीडियाच्या माध्यमातून आणि थेट आयुक्त तुकाराम मुंढे यांना पत्र लिहून केल्या होत्या.

 

तपासणीत आढळलेल्या त्रुटी: १६ जून रोजी एफडीएच्या अन्न सुरक्षा अधिकाऱ्यांनी केलेल्या अचानक तपासणीत अन्नसाठा, तापमान नियंत्रण, स्वच्छता मानके आणि अन्न हाताळणी प्रक्रियेमध्ये गंभीर निष्काळजीपणा आढळला.

सुरक्षेचा अभाव: कच्चे आणि शिजवलेले अन्न एकत्र साठवणे, पाण्याच्या गुणवत्तेच्या नोंदी नसणे आणि कर्मचाऱ्यांच्या आवश्यक वैद्यकीय तपासणीचा अभाव यांसारख्या गंभीर त्रुटी तपासणीत उघड झाल्या. विद्यार्थ्यांच्या आरोग्याशी होणारी ही खेळवाखेळ थांबवण्यासाठी आयुक्त तुकाराम मुंढे यांनी घेतलेल्या या धाडसी निर्णयाचे विद्यापीठातील विद्यार्थ्यांनी स्वागत करून त्यांचे आभार मानले आहेत. या कारवाईमुळे विद्यापीठ परिसरातील इतर कँटीनचालकांमध्येही खळबळ उडाली आहे.