तेलंगणा: प्रियकरासाठी पत्नीने नर्स असूनही सलाईनमध्ये टॉयलेट क्लीनर टाकून नवऱ्याचा केला गेम

तेलंगणा: एका नर्सने आपल्या प्रियकराच्या मदतीने पतीची अत्यंत क्रूरपणे हत्या केल्याची धक्कादायक घटना समोर आली आहे. पतीला वाटेतून हटवण्यासाठी या नर्स पत्नीने सुरुवातीला त्याला छतावरून ढकलून मारण्याचा प्रयत्न केला आणि नंतर रुग्णालयात उपचार सुरू असताना सलाईनमध्ये टॉयलेट क्लीनर इंजेक्ट करून त्याचा 'द एन्ड' केला.

काय आहे नेमके प्रकरण?
मयत प्रशांत हा आखाती देशातून परत आल्यानंतर त्याला आपली पत्नी संध्या हिचे एका व्यक्तीसोबत (अनिल) विवाहबाह्य संबंध असल्याचे कळाले. यावरून त्यांच्यात वारंवार भांडणे होत होती. या वादातून मार्ग काढण्यासाठी संध्या आणि तिच्या प्रियकराने प्रशांतला कायमचे संपवण्याचा कट रचला.

 

हत्येचे दोन प्रयत्न:
१. पहिला प्रयत्न: २९ जून रोजी रात्री प्रशांतला दारू पाजली आणि त्यानंतर संध्याच्या सूचनेवरून त्याला इमारतीच्या गच्चीवरून खाली फेकले. सुदैवाने तो यात बचावला, मात्र त्याला गंभीर दुखापत झाली.
२. दुसरा प्रयत्न (हॉस्पिटलमध्ये): प्रशांत जखमी असल्याने त्याला उपचारांसाठी रुग्णालयात दाखल करण्यात आले. तिथेही त्याचा जीव घेण्याचा घाट प्रियकराने घातला. संध्या ही नर्स असल्याने तिला वैद्यकीय गोष्टींचे ज्ञान होते. उपचारादरम्यान, तिने संधी साधून कॅन्युलाद्वारे सलाईनमध्ये 'टॉयलेट क्लीनर' आणि भूल देणारे औषध मिसळले. यामुळे प्रशांतचा रुग्णालयातच मृत्यू झाला.

पोलिसांची कारवाई:
प्रशांतचा मृत्यू संशयास्पद वाटल्याने पोलिसांनी या प्रकरणाचा तपास केला. चौकशीदरम्यान, पत्नी संध्या आणि तिचा प्रियकर अनिल यांनी आपला गुन्हा कबूल केला आहे. पोलिसांनी तिघांनाही अटक केली असून, त्यांना न्यायालयीन कोठडी सुनावण्यात आली आहे.