Food Safety Alert: Your Kitchen Knives Could Cause Illness! FSSAI Issues Strict New Guidelines.

नवी दिल्ली: देशातील अन्नसुरक्षा अधिक बळकट करण्यासाठी भारतीय अन्न सुरक्षा आणि मानक प्राधिकरणाने (FSSAI) एक अत्यंत महत्त्वाचा आदेश जारी केला आहे. आता रेस्टॉरंट्स, कॅफे, हॉटेल आणि सर्व फूड बिझनेस ऑपरेटर्सना (FBO) अन्नाच्या संपर्कात येणाऱ्या उपकरणांबाबत, विशेषतः चाकू आणि कटिंग टूल्सबाबत अधिक सतर्क राहावे लागणार आहे.

नेमके काय आहे प्रकरण? अनेक ठिकाणी अन्न तयार करताना, कापताना किंवा पॅकिंग करताना जुने, गंजलेले किंवा खराब झालेले चाकू आणि ब्लेड्स वापरले जात असल्याचे FSSAI च्या निदर्शनास आले आहे. हे प्रकार ग्राहकांच्या आरोग्यासाठी अत्यंत घातक ठरू शकतात. 'फूड सेफ्टी अँड स्टँडर्ड्स रेग्युलेशन्स २०११' मधील नियम ४ नुसार, अन्नाच्या थेट संपर्कात येणारी सर्व उपकरणे ही 'फूड-ग्रेड' आणि विषमुक्त साहित्यापासून बनवलेली असणे बंधनकारक आहे.

आरोग्याला धोका का? गंजलेले आणि अस्वच्छ चाकू केवळ अन्नाची गुणवत्ता खराब करत नाहीत, तर ते बॅक्टेरियाचे माहेरघर बनतात. प्रकाशित अहवालानुसार, गंजलेल्या धातूच्या पृष्ठभागावर साल्मोनेला (Salmonella) आणि ई-कोलाई (E. coli) सारखे धोकादायक जीवाणू सहज वाढतात. हे जीवाणू सामान्यपणे धुतल्याने नष्ट होत नाहीत, कारण ते धातूच्या सूक्ष्म छिद्रांमध्ये लपून राहतात. अशा चाकूंमुळे अन्नातून विषबाधा (Food Poisoning) होण्याचा मोठा धोका असतो.

FSSAI चा कडक इशारा:

सर्व फूड बिझनेस ऑपरेटर्सनी आता केवळ स्वच्छ, गंजमुक्त आणि सुरक्षित कटिंग टूल्सचाच वापर करणे अनिवार्य आहे.
या नियमांची अंमलबजावणी करण्यासाठी सर्व राज्यांतील फूड सेफ्टी कमिशनर आणि तपासणी अधिकाऱ्यांना कडक देखरेखीचे आदेश देण्यात आले आहेत.
नियम न पाळणाऱ्या आस्थापनांवर आणि कंपन्यांवर कठोर कायदेशीर कारवाई केली जाणार आहे.

सविस्तर वाचा, लिंक कमेंट मध्ये https://punenews24.in/