शेगाव: तुकाराम मुंढेंचा मोर्चा आता माऊलींच्या शेगावात; प्रसिद्ध कचोरी सेंटरवर धाड, कच्च्या मालाचे नमुने जप्त!

शेगाव: येथील प्रसिद्ध 'तीरथराम करमचंद शर्मा' कचोरी सेंटरवर बुलढाणा अन्न व औषध प्रशासनाने (FDA) अचानक छापा टाकला आहे राज्यभरात भेसळयुक्त खाद्यपदार्थांविरोधात अन्न व औषध प्रशासन आयुक्त तुकाराम मुंढे यांच्या मार्गदर्शनाखाली सुरू असलेल्या विशेष मोहिमेचा हा एक भाग आहे

कारवाईचे कारण: शेगाव हे एक प्रमुख धार्मिक स्थळ असून तिथे दररोज लाखो भाविक आणि पर्यटक येतात. येथील खाद्यपदार्थांच्या गुणवत्तेबाबत शंका निर्माण झाल्याने प्रशासनाने ही तपासणी मोहीम हाती घेतली.

प्रशासनाची कृती: अन्न सुरक्षा अधिकारी गुलाबसिंग वसावे यांच्या नेतृत्वाखालील पथकाने या कचोरी सेंटरवर धाड टाकली यावेळी कचोरी बनवण्यासाठी वापरण्यात येणारे तेल, मैदा, मसाले आणि इतर कच्च्या मालाचे नमुने संकलित करण्यात आले

 

पुढील प्रक्रिया: हे सर्व नमुने तपासणीसाठी प्रयोगशाळेत पाठवण्यात आले आहेत प्रयोगशाळेच्या अहवालात जर भेसळ किंवा निकृष्ट दर्जाचे घटक आढळले,
तर संबंधित कचोरी सेंटरवर कडक कायदेशीर कारवाई करण्यात येईल, असा इशारा प्रशासनाने दिला आहे आयुक्त तुकाराम मुंढे यांनी पदभार स्वीकारल्यानंतर गेल्या काही दिवसांत राज्यभर भेसळ माफिया आणि प्रतिबंधित अन्नपदार्थांविरुद्ध मोठ्या प्रमाणावर कारवायांचा धडाका लावला आहे